اياد شربجي
كل يوم والتاني بيطلعلك منشور من تبعات
– هل تعلم كم يموت من الجوع يوميا والعالم لم يتحرك كما يفعل مع الكورونا
– هل تعلم كم واحد يموت يوميا بسبب نقص الادوية
– وكم وكم وكم.
كل هالحكي بس ليقلك اخر شي انو العالم منافق وكذاب. ما بعرف هدول الناس كيف دايما بس يشوفو الناس مجتمعة على شي بيطلعولك بالمقلوب بس ليفرجوك انو اوعك تعجب بالعالم التاني ، وانتظر عالمنا نحنا بس نسود وشوف شلون العدل اللي حننشرو في الاصقاع.
خيو انا بعرف انو العالم منافق ، وبعرف انك انت منافق كمان ، مثلا هل تعلم كم واحد عميموت بسبب تحريض وافكار رجال الدين ، وكم مرا عمتموت قهر من جوزها ومو قادر تعملي شي ، وكم بنت عمتنت قتل منشان الشرف ، وكم مثلي عميننتحر من ظلم مجتمع الفضيلة؟ طيب انت شو عملت يا حبيب امك؟
إجمالا تكرم عينك ، عرفنا انو العالم ابن ستين كلب ، شو المطلوب منا نعمل يعني ؟، قوم اطلع من الحجر الصحي وخلصنا.
