يو م 30 ديسمبر سنة 2016 لقيت مولانا القمنى بيسألنى سؤال مباشر: إنت قريت موسوعة النبى موسى وآخر أيام تل العمارنة؟ رديت بصدق: الحقيقة حاولت يا مولانا وماعرفتش أكملها، ليه؟
هى فيها كم معلومات يفوق الموسوعة البريطانية، بس محطوطة بأسلوب مستفز، كل ماتيجى على بالك معلومة تحطها وترجع بالزمن وتطلع بيه، غصبت على نفسى وقريت أول كتاب، ولقيت التانى برضه مستفز، رحت رايح على الكتاب التالت وف آخر كام صفحة لقيت النتيجة اللى عايز توصل لها، موسى هو إخناتون هو أوديب، الحقيقة مش عارف إيه دخل أوديب، وبعدين إستفدت فعلا من كم معلومات رهيب، بس مليت من التخبط ف الكتاب.
مشكورا الراجل قال لى طب خد دى النسخة بتاعتى من الطبعة التانية، وشلت منها حاجات كتير تتوه القارئ، وحاول تقراها وتقول لى رأيك، وكتب لى مقدمة فى غاية الروعة، وحاولت أقراها تانى وبرضه فشلت ……………….. ليه برضه؟
القمنى راجل طيب، واتهامه بأنه سطحى وغير حاصل على الدكتوراه يبدو إنه ترك أثر فى نفسه فحاول يعمل ملحمة لم يسبقه إليها إنسى ولا جان، وبذل فيها مجهود وتكاليف خرافية عشان ينهى حياته بدراسة تاخد جايزة نوبل، وللأسف وأنا عاشق للرجل وتلميذ على فكره، شايف إن حروب دولة الرسول اللى خلصها فى تلات شهور أعمق وأكثر قيمة من موسوعة تل العمارنة، دة راجل بيكتب السهل الممتنع، ولا نصر حامد أبو زيد يقدر يكتب حروب دولة الرسول.
الموسوعة إتولدت ميتة، هى بس قناة الحياه اللى أحيتها بالهجوم- الأهطل- عليها، ولكن يفضل فيها كم من المعلومات لو عشت عمرك تدور عليه مش هاتعرف تجيبه.
طبت حيا وميتا ياجبل الكبرياء …………………….
يمكنك دعم الموقع من هنا
مؤسسة ندى لحماية الفتيات
منتظرين كتاب لحضرتك بقى..
الف رحمه ونور عليه وطيب الله ثراه
حمدلله على السلامة يا مولانا البطل
والأسطورة والتراث مش بطال
منتظرين شرح وافي من حضرتك
لكن لي سؤال مال موسي واخناتون؟
علاقه موسى واخناتون كان قد ذكرها فرويد بأن موسى هو أحد تلامذه اخناتون أو أحد من كهنه الاخناتونيه
باعتبارى واحد من عشرات الملايين اللى تتلمذوا على كتابات القمنى، هاتبقى شهادتى مجروحة فيه، لكن شايف إن مقال واحد للقمنى، أقوى من كل كتابات الفيس والتليفزيون فى العشرين سنة اللى فاتوا…………..
دى حقيقة فرويد لمح ليها، وعندنا كمان يوسيفوس ومانيتون، وعندنا لويس عوض فى كتابه القنبلة : مقدمة فى فقه اللغة.
في كل زيارة كنا لازم اسأله في الموسوعه دي و كل مره اعرف منه معلومه تقلبلي دماغي اكتر… لروحه السلام
الله يرحمة هو مات جسدياا لكن فكرة لا ولم تموت بوجد تلاميذة الف تحية يامولانا 🌹
احنا عشرات إن لم نكن مئات الملايين من اللى إتأثروا بفكره قبل مانسمع عن تل العمارنة، من أيام مقالاته فى روز اليوسف……………
وصفت بدقة تحليل موسوعة النبي موسي
انا كمان قريت شويه في كتاب الحزب الهاشمي وتأسيس الدوله الاسلاميه وتهت من كتر المعلومات والاحداث وشعرت بملل علي غير العاده من طريقة سرد الاحداث والربط التاريخي في الكتاب ووقفت قرايه فورا وحاليا بحاول اقرا حروب دولة الرسول
الله يرحمه كان موسوعه
نجيب الموسوعة ديه منين يا مولانا
طب .. مفيش .. موجز .. صغير
عودتنا .. ع المعلومه .. من .. غير … تعب
تحياتي .. صديقي العزيز
بالمناسبه .. ماهو مدلول .. كلمة مولانا
مالها .. استاذي العزيز
هو حاول يجامل اليهود
ازاي ولدت ميته وبها كل ذالك البحث والمعلومات الرهيبه …يبقي احنا اللي مش قادرين نستوعب اسلوبه
الف حمد الله علي سلامتك يا مولانا
وحياة حبيبك النبي واللي يطعمك زيارته إن شاء الله قريبا
تقول لنا ايه اخبار كتاب خطايا القرآن ؟
انا قراءت هذا الكتاب فعلا هو كتاب عميق جدا لكن عشان تستوعبة محتاج تقراءة اكثر من مرة و تدرسة دراسة متاءنية
للاسف لم اقراء اى من تلك الكتب
تبا لى
الرجل مات و عمل اللي عليه
و قلي وين في كاتب ما عنده اخطاء في معلوماته او أسلوبه
كثير ناس قرأت كتبه و استفادت كثير
فخلينا نترك كل واحد ينشر التنوير على طريقته
اللي متاكد منه انه القمني كان صادق و اكثر صراحة و وضوح من غيره
والله يامولانا الراجل ده لازم ندرس كتبه وهايكون ايقونه للفكر الحر وسيكون مصدر الهام لكل باحث عن الحقيقة