– بشكل سريع جدا وما رح ارجع أعيد الكلام، لكل حدا بعملي منشن او بسأل او بكتب بوست هبد او بعمل شير لlive streaming فوتوشوب عالفيسبوك على اساس انه تصوير لنيزك بده يضرب الأرض او كائنات فضائية تتحرك بجانب القمر خليني اقولك هالشغلة.
1- بخصوص النيزك فمن المستحيل يوصلك وجميع الحسابات الفلكية تؤكد أن المذنبات تدور في مسارات بعيده عن كوكب الأرض ولا تؤثر عليه، بس خلينا نفترض إنه في مذنب او نيزك فلت وقرب علينا شو رح يصير؟ في الحقيقة ما رح يصير شي لأنه وكالة ناسا قبل عدة سنوات استحدثت earth defense office وهذا وظيفته مراقبة مدار الأرض ودراسة مسار أي جسم يقترب من الكوكب وإذا شعروا إنه في خطورة لأي مذنب، نيزك، طبق ورقي، أو حتى صحن شقف طاير مباشرة بتم الايعاز للمسؤولين واستخدام ballistic nuclear misile لحرف مساره وابعاده عن مدار الأرض قبل ان يقترب منها، لنفترض فشلت هذه العملية شو بصير؟ مباشرة بتم تحديد موقعه بدقه ثم توجيه صاروخ نووي أكبر لتفتيته إلى جزيئات صغيرة ليدخل الغلاف الجوي وتحترق جزيئاته هناك دون ان تحدث أي أضرار تذكر.
2- الكائنات الفضائية لم يسبق لنا تحديد ما هيتها لنتمكن من تحديد ما إذا كانت موجودة أم لا، وكل ما يدور حولها لغاية اللحظة من وجهة نظر العلم فهو خيال واساطير غير مؤكدة إطلاقا. وبعدين خلينا نكون صريحين، كوكبنا اصلا ما عليه العين عشان يجو عليه احنا كبشر دمرناه ما ظل اشي يطمعوا فيه اساسا، وبعدين بدهم يتركوا كواكب كلها الماس وذهب ويجو عنا على دبين الغابة المغطاه باكياس النفايات والفحم؟ مش منطقي ابدا.
3- بالنسبة للغيمة على شكل الايد، الي عامل الفيديو مبتديء جدا ومش محترف وواضح إنه فيديو رديء وسيء، وبعدين هي نهاية العالم مش لازم تطلع فيها الشمس من مغربها؟ أنا بأكدلك إنه الشمس رح تظل موجودة على حالها المعتاد تشرق من الشرق وتغرب من الغرب عالاقل كمان 4-5 مليار سنة بالتالي موضوع نهاية الكون والحياه موضوع بعده جنين لم يخلق إطلاقا والحديث عنه الآن غير منطقي.
- طلب اخير، استخدم عقلك ارجوك استخدمه.
رائد الريموني | ناشط مجتمعي
