خط الدفاع الأول خط أحمر
من بداية أزمة كورونا في الأردن واحنا كلنا موقفين ورا الحكومة بظهرها بندعمها بكل قراراتها حتى لو كانت قاسية، عشان بالنهاية هي سبيلنا الوحيد للخروج بأقل خسائر بشرية واقتصادية، وربنا الله عملوا شغل كثير حلوا بتشهدله كثير جهات..
لكن.. قرار خصم علاوة الكوادر الطبية هو قرار فاشل وظالم ومرفوض، هدول هم خط الدفاع الأول إللي عم بيخاطروا بحياتهم ووقتهم وجهدهم وعائلاتهم عشان هم أكثر المعرضين للعدوى.. هدول بنزيد رواتبهم وبنعطيهم مكافآت مش بنخصم منهم!!
بتفهم إنه في ظروف اقتصادية صعبة وهاي الظروف ضربت أغنى دول العالم حتى دول الخليج العربي، بس فيه ألف طريقة غير المساس بالكادر طبي؛ مثلا الغاء رواتب الوزراء الحاليين والمتقاعدين، الغاء رواتب النواب.. وكلامي ما فيه أي ظلم عشان كلنا بنعرف وضعهم المادي إللي فوق الريح.. بس الكوادر الطبية والكوادر الأمنية وعمال النظافة إللي ما بيملكوا إشي غير حياتهم وقدموها للوطن هدول خط أحمر.
أتمنى من إللي طلع بهذا القرار غير المدروس وغير المسؤول يتراجع عنه.
نيكولاس خوري | ناقد سياسي ساخر
