لك ان تتخيل يا عزيزي ان في بنت تم اغتصابها وطالعه لايف بتبكي وعينيها عليها اثر ضرب وبتحكي عن القصة وفي بشر زيي وزيك ربنا خلقهم وميزهم بعقل بيقولولها تستاهلي ودي اخرِة صورك ولبسك ! النهاردة خلاص تم إثبات في النيابة تعرضها للإغتصاب والسرقة. وإن هي طلعت بالإكراه في الفيديوهات اللي قالت فيها "محصلش حاجة". والحمد لله الهاشتاج اللي عملته (حق منه عبد العزيز). على تويتر وبقى تريند ب أكثر من 9 دول مضعش .
- بتلبس إيه؟ بتعمل إيه؟ هي حُرة طالما مش بتاذي حد. إزاي بتبرورا يا حقراء فعل شنيع زي ده. مال اهاليكم البنت بتلبس إيه … ده يديكم حق في إنكم تعملوا كده ؟ بتناموا مرتاحين يا كائنات ذكورية شهوانية ملعونة ؟ الإغتصاب ابداً مفهوش وجهات نظر .
- البنت 17 سنة. واللي حصل ده حقيقي مش هيكون بسيط بالنسبة لبنت عندها 17 سنة. الخروج من الأزمة دي محتاجة قوة كبيرة .. على أي عشان تعرفوا البلاعة اللي نساء الشرق الأوسط عايشين فيها .
- النهاردة أول خبر من أخبار ظهور الحق .. ولسه بأول الغيث قطرة. وبسببكم حقها هيرجع يا أحرار … واللي شايف إن اللي حصل لها عادي … ياريت يعمل إلغاء متابعة أو إلغاء صداقة .
أحمد عرفات | كاتب علماني
