الأخ عبدالله رشدي نشر فيديو لمجموعة قساوسة "رجال دين مسيحيين" ينصحون الفتيات بالحشمة بل والتشبّه ببنات المـ///ــلمات بالحشمة..
وهنا تكمن المشكلة، الأخ عبدالله يعتقد أن خلافنا معه ديني، وبدنا البنات يشلحوا وبدنا إياه يوقف نشر لتعاليم دينه المرتبطة بحشمة المرأة كما أمر الله…
لا يا أخي العزيز ليس هذا ما نريده وليس هذا القصد، المسيحية واليهوية كالإـ///ــلام يأمرون المرأة بالحشمة زي ما تفضلت بالفيديو اللي نشرته، وأبدًا ما حد بده إياك تلغي جزء من كلام الله أو تغير كلام الله .. انت كرجل دين واجبك كأي رجل دين إنك تعلم البشر كلام ربنا كامل بدون نقصان.
خلافنا معك مش هون، خلافنا معك إنه مش شايفين لبس المرأة سبب من أسباب التحرش، وفاهم إنه قصدك مش التبرير للمجرم بل قصدك إنه مجرد سبب من الأسباب.. بس الطرف الثاني شايف إنه لأ مش سبب…
بدناش المرأة تشلح، بدناش اياك تسكت أو تشطب من كلام ربنا بدناش اياك توقف عن القيام بواجبك بنقل كلام الله كاملًا..
هو خلاف: انت شايف أن لبس المرأة سبب غيرك لأ.
الموضوع مش حرب على الدين زي ما انت مفكر وزي ما جعلت متابعينك يفكروا، للأسف نسينا الحرب على المتحرشين والتهينا بحرب وهمية مش موجودة.
ليش مصر تكون قاهر الملحدين والعلمانيين في كل القضايا؟ قضية التحرش ليست قضية ملحدين وعلمانيين، قضية أمن للمرأة.. استغل منبرك القوي وقد تصبح يومًا ما قاهر الملحدين والعلمانيين والمتحرشين.
أتمنى أن تنظر لكل أمر بزاويته الحقيقية، مش كل إشي بالحياة حرب بين العلمانيين/الملحدين والمـ///ــلمين.
أتمنى.
نيكولاس خوري | ناقد سياسي ساخر
