أحمد علام الخولي | – ياشيخ إيه رأيك فى تقدم الغربيين وحضارتهم العلمية وإنجازهم العلمى والعملى

– ياشيخ إيه رأيك فى تقدم الغربيين وحضارتهم العلمية وإنجازهم العلمى والعملى والحضارى والتكنولوجى
– صحيح ياحبيبي ده لإنهم بيطبقوا الإـ///ــلام وهم مش مـ///ــلمين
– لكن تعرف ياشيخ إنهم وصلوا لذلك بإيمانهم بالتعايش والتنوع والحريات الخاصة والفكرية والدينية ودا مش موجود فى مجتمعاتنا الدينية
– ماهو ياحبيبي علشان الحريات دى بقوا مثليين وإباحيين وعراة
– تقصد ياشيخ أنهم بيطبقوا اللى مكتوب فى التراث الإـ///ــلامى برضه فى الإباحية وكدا
– هاه …مش فاهم ياحبيبي
– مثلا ياشيخ مش السيوطى فى كتاب تاريخ الخلفاء ذكر أن الخليفة الوليد بن يزيد بن عبدالملك كان مثليا لدرجة مراودة أخاه و..كان عصر الخلافة العباسية والعثمانية طوال ألف سنة ملئ بالجوارى والسرارى وانت بنفسك كان ليك صولات فى شرح كيفبة تلبية احتياجات الأسيرات فلو تقصد انهم بيطبقوا منهجنا يعنى فدا غلط لان كل حاجة عندهم بقانون مش بلطجة دينية او ذكورية
– ياحبيبي متدخلش الأمور فى بعض وبعدين ده مش وقت جدل وقولى موصلوش لسه لعلاج للكورونا منظرنا بقى وحش ياحبيبي لا دعائنا ولا دجلنا جايب نتيجة مع الناس طمنى
– طيب افرض ياشيخ علماء الغرب الكافر اكتشفوا لقاح فيروس كورونا من أمعاء الخنزير هيكون حلال ولا حرام ؟
– ومين ياحبيبي حرم الخنزير هذا الحيوان البرئ دا مذكور فى القرأن والضرورات تبيح المحظورات المهم يخففونا
– طيب ياشيخ مش محرم فى القرأن
– ياحبيبي ماحنا بنجدد اهه ده تحريمه كان لعدم الاعتداء على هذا الحيوان الطيب الأليف دنا لما بشوف خنزير صغير ببقى عايز احضنه بس بالذمة لو عملوا مصل تقولى واحجزلى عشرة
– ايه ياشيخ هتعالج عشرة على حسابك
– لا ياحبيبي هخليهم احتياطى افرض خلص او جاتلنا كورونا تانى نبقى عاملين حسابنا اصل الكفرة دول مش مضمونين ويقلك لكل واحد مصل بس
– تعرف ياشيخ
– نعم ياحبيبي
– الحمد لله ياشيخ انهم لا مـ///ــلمين ولا بيطبقوا منهجنا
– ليه ياحبيبي
– مكنوش هيعالجونا ياشيخ
– ليه ياحبيبي
– تخيل كدا ياشيخ بيطبقوا كلام الطبري فينا وهو بيقول
( لنبتليهم به حتى يرجعوا إلى ما كتب عليهم من الشقاء )
يعنى منساعدهمش لحد ميرجعوا عن كفرهم وقرأو كلامك اللى تحت ده والمخترعين بتوعهم طبقوا ده علينا كان زماننا بنور الشمع فى ليالينا المظلمة ونتواصل عن طريق الحمام الزاجل .. بس مش هتعتذروا عن ده ياشيخ عشان اللى معشش فى عقول بعض الناس ده ينتهى
– لا ياحبيبي ده دين بقى والدين حاجة والتعايش حاجة
– قولى ياشيخ
– نعم ياحبيبي
– دين أبوك إسمه إيه

Ahmed Allaam Elkholy