إمبارح جمال مبارك ظهر فى جنازة فريد الديب محامى الرئيس مبارك، الغريب فى الأمر كانت الحفاوة الشعبية غير العادية اللى شفناها من المواطن البسيط، حفاوة وحرارة تحس معاها إنه جمال عبد الناصر مش جمال مبارك، لدرجة مواطن وطى وباس على إيده تعبير عن الندم على اللى عملناه فى المرحوم حسنى مبارك.
جمال مبارك بدون شك هايبقى أقوى حاكم منذ الثورة الملعونة فى 52 ، ولكن عنده مشكلتين، الأولى إنه مدنى وبالتالى لازم يدخل فى صدام مع الجيش عشان يرجع تانى جيش للحروب مش للتجارة، ودى مشكلة يقدر يحلها البدو والأمريكان لو وافقوا على جمال.
المشكلة الأخطر إنه أخو علاء، وعلاء دة حدوتة ماظنش إنها معروفة أوى وحلها بإيد عزرائيل، نحكيها…
مبارك كان فرعون، والهانم سوزان كانت أعظم من حتشبسوت وإيزيس، وجمال كان سياسى واقتصادى صاحب وجهة نظر معينة، وعلاء كان أخو جمال، بس كدة، يعنى عيل مالوش لازمة ويسوى ف سوق الشباب جوز سجاير فرط، بس عايز يبقى مهم، يعمل إيه؟
علاء ألحد وقالك مافيش ربنا، ماما وبابا قالوله وماله ياحبيبى؟ دة حتى الإلحاد موضة للمثقفين، وجابوله شيكولاتة سويسرى ورجع تافه تانى.
فجأة علاء تنصر، وقالك يسوع هو الحل، وماله ياحبيبى، ماهى تيتة إنجليزية مسيحية، والمسيحيين أحباب الله برضه عادى، إيه دة يعنى مش هابقى بطل؟ طب أنا الرب يسوع عايزنى أعلن إيمانى بيه حتى لو هانرجع لعصر الشهداء، دمى فداك يارب المجد.
لأ كدة دخلنا ف العبط والخطر، إبن فرعون متنصر؟ فورا هايقتلونا زى شاوشيسكو، تعالى يا اهطل ياللى اسمك عمرو خالد، رجع التافه دة للإسلام، واجتمع أتفه إتنين ف مصر عمرو خالد وعلاء مبارك، وفجأة يكفر علاء بالرب يسوع ويشوف إن النصارى كفرة بيعبدوا شوية آلهة والإسلام هو الحل………
وركب التافه علاء حصان المولد الحلاوة، ومسك سيف خشب بتاع العيال ف الموالد، وعمال يقتل فى طواحين الهوا والأشباح وبقى بطل ومناضل ومجاهد إسلامى على الفيس بوك.
ماينفعش أبدا شقيق رئيس الجمهورية يبقى أهطل…………
جمال……………… مش ناقصين وجع دماغ ياولدى، روح سويسرا مع ملياراتك وملعون أبوك على أبو اللى خلانا نشوفك بطل…………….
يمكنك دعم الموقع من هنا
مؤسسة ندى لحماية الفتيات
جمال بيسخن ومستنى قرار المدرب الخليجى
ابوك على ابو اللي خلانا نشوفك بطل 😂❤️
اعصابك ياباشا
كلام جميل
بطل من ورق
الشيخ علاء سرق نص اثار مصر هو وعلاء حسنين والحرامى حسن راتب
حقيقى موسوعة
اه د السياسة ولا بلاش🤪😁
انت لخبطت يا مولانا بين علاء وجمال هوا مين فيهم اللي اتنصر واللي رجعه الفرو شوا عمرو خالد جمال ولا علاء ارسيلك علي واحد فيهم
كلنا في التفاهة سوا، اقصد شعوب الشرخ الاوسط الي بتعمل قيمة للي حتى أهله ما بيستنوهش على الغدا😃
انا شايف ان كلاهما أهطل.
حضرتك موسوعه ياعمنا واضح ان جمال مش عايز يسيبنا فى حالنا
أثلجت صدري وحق امون من ساعة ما شوفت الواد.دا امبارح وانا دمي بيغلي
انا بعتبرها عشرة طويلة بينا وبينهم ومتنساش جمال ابن رئيس مبارك
والسرقة كانت فى اى مرحلة ؟
ولا على طول شغال
الحقيقة أول 15 سنة فى حكم مبارك كانوا كويسين جدا، بس كبر وخرف وسلم نفسه للى حواليه وخصوصا مراته وابنه، طب هو حرامى ولا شرير؟ إطلاقا، دة بطل عظيم من أعظم رجال حرب أكتوبر، والهانم سوزان أعظم مصرية على الإطلاق بلامنازع، وجمال ليه فكره الإقتصادى اللى انا مافهمش فيه، وعلاء عايز قبر يلمه ويغور ويريحنا………….
في النظام الرسمي العربي ..الحكم شأن عائلي ولا يحق للشعب التدخل في مالايعنيه
مش دا الشرير اللي في فيلم بات مان كان لابس كمامه طول الفيلم ؟
مستغربه من تصرفات الناس لأن ثورة ٢٠١١ قامت عشان رفض توريث الحكم لجمال مبارك ازاي دلوقتي عايزينه يحكم في حاجة غلط