منظمات حقوقية

لا لتعدد الزوجات في مصر | حوار حقيقي حصل وانا راكبه ميكروباص ما بين السواق وصاحبه السواق : بس بصراحه

لا لتعدد الزوجات في مصر

حوار حقيقي حصل وانا راكبه ميكروباص ما بين السواق وصاحبه
السواق : بس بصراحه فلان ده طلع راجل اوى
صاحبه : ليه ؟
السواق :أصله كاتب كتابه على بنت يتيمه ومالهاش الا امها ست كبيره فى السن وعيانه فالبنت لما سألت المنجد على تكلفه المرتبه اغم عليها اصلها بتشتغل كذا شغلانه وفلوسها خلصت فى الشوار و العفش ومعهاش تجيب مرتبه
ففلان ده لما اغم عليها وامها قعدت تعيط قال خلاص انا الى حجيب المرتبه بصراحه راجل وشهم
صاحب السواق : بصراحه جدع اوى أنه شال من عليها تمن المرتبه !!!!!
مش كفايه الحمل الى عليه علشان يتجوز
السواق : ماهو قال إنها يتيمه وغلبانه ودى الى كانت ناقصاها
راكب عادى : بصراحه الشباب عليه مسؤوليه كبيره اوى وهو الشباب حيعمل ايه كتر خيره أنه ساعدها
راكب تانى : ربنا يجازيه كل خير
أما أنا فساكته طول السكه الحقيقه
حقول ايه ؟ هم دول رجاله ؟!!!! بنت يتيمه مالهاش حد يفضل يضغط عليها هى وامها المسنه المريضه علشان ياخد منهم اكبر قدر من الفلوس مش مهم جابوها ازاى مش مهم أن ممكن أنها تكون بتوفر من ادويتها ولا مهم اى شئ
البنت دى والى زيها بتكون راضيه بقليلها ولو حتفرش اوضه واحده فى الشقه بتكون راضيه لكن هو وأمه مش راضيين علشان تتجوز البنت اليتيمه لازم تدفع ولو ما دفعتش مافيش جواز !!!!!
ولما البيه يدفع تمن المرتبه الى حينام هو عليها يبقى بطل وهو اصلا لا عنده ضمير ودين ولا احساس
ورد فعل الناس غريب جدا فين الرجوله يا جماعه ؟ فين الشهامه ؟ فين الدين ؟ ايه ده الراجل لازم يدفعله علشان يتجوزها ؟
ويجب الأخ ده يقولك الشرع محلل اربعه !!!!! اربع عفاريت يركبوك يا بعيد انت وكل المعجبين بيك
Meho Mokhtar

مقالات ذات صلة

تعليق واحد

  1. تنبيه: this article

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى