اياد شربجي
اليوم صار معي مشكلة بالبرنامج اللي عمن ويظهر بالشغل للوصول لسيرفر الشركة خلال العمل عن بعد.
اتصلت بالـ IT ، اكتر من ساعة عالتلفون والمهندس يقلي اكبس F1 واكبس F10 مع Alt روح على تاني ، وعميل وعميل هيكيل هيك ، وما كان يزبط الموضوع ، بعدين عطيتو اكسس على جهازي وفات وبحباشات وشاشات تفتح وحمرا تسكر ، وكلو بلا جدوى ، وطول الوقت المهندس مستغرب شو صاير ، ويفتح غوغل ويقرا ويرجع يجرب وما يزبط شي.
آخر شي داق خلقي ، قلتلو ممكن تعطيني دقيقة وحدة بس رح جرب شغلة.
ببساطة سحبت فيش الكهرباء وانتظرت كم ثانية واعدت اقلاع الجهاز ، فتح ، اشتغل البرنامج متل الصلاتو عالنبي.
المهندس الامريكاني معي عالتلفون ازبهلّ ، مالها مارقة معه هالشغلة بالجامعة ، سألني شو ساوييت منشان اعرف اذا صارت المشكلة مرة تانية حلها؟
قلتلو صعب اشرحلك ، لازم تكون سوري لتفهم عليي.