مفكرون

أحمد علام الخولي | – يامولانا دار الإفتاء النهاردا سابت الاعصار وكورونا وطلعت فتوى بعدم جواز دفن

– يامولانا دار الإفتاء النهاردا سابت الاعصار وكورونا وطلعت فتوى بعدم جواز دفن الرجل مع المرأة
– أمال إيه يابنى نحن نحب العفة حتى تحت القبر ولا يجوز إختلاط رجل وإمرأة لوحدهما ولو ميتين ..قول الحمد لله على نعمة الإسلام يابنى
– يعنى يامولانا دفن رجل وإمرأة ميتين معا حرام وفتوى جواز نكاح الزوج لزوجته الميتة لمدة نصف ساعه بعد موتها كما قال الهيتمى فى كتاب الزواجر حلال ؟
– دى حالة شاذة يابنى لانقيس عليها
– يعنى يامولانا دفن رجل وإمرأة ميتين معا حرام ونكاح البهائم كما قال به بعض الحنابلة حلال ؟
– دى حالة شاذة نعذر فيها مرتكبها يابنى
– يعنى يامولانا دفن رجل وإمرأة ميتين معا حرام للعفة ونكاح الأسرى من سبايا وجوارى دون سند أخلاقى حلال ؟
– دى فى حالة الحروب والغزو يابنى ادعى ربنا يرزقنا بغزوة
– يعنى يامولانا دفن رجل وإمرأة ميتين معا حرام للعفة واتخاذ ملكات اليمين دون زواج كما حللتها كل كتب الفقه حلال ؟
– دى فى حالة وجود دولة الخلافة يابنى الخليفة هو اللى هيقسم ماتدعى ربنا يرجع الخلافة دا احنا هنزأطط يابنى
– يعنى يامولانا دفن رجل وإمرأة ميتين معا حرام للعفة وفتوى ابو حنيفة بزواج الرجل من إبنته من الزنى حلال ؟
– لأ يابنى دى حالة شاذة لو حصلت يعنى أمال تفضل البنت من غير ستر وكدهون
– لأ حرام دا حتى عيب على العفة يامولانا ..طيب يعنى يامولانا دفن رجل وإمرأة ميتين معا حرام للعفة وفتوى إرضاع الكبير دى بتزود العفة ؟
– يابنى دى حالة خاصة بأصحاب الواقعة نفسها حالة شاذة
– تعرف يامولانا
– نعم ياابنى
– إحنا كل حياتنا حالات شاذة يامولانا
– صارحنى يابنى إنت عندك نت وبتقراله
– أيوه يامولانا
– أهه هنا الكارثة النت يابنى مؤامرة معمولة مخصوص ضد الإسلام
– ماهو يامولانا دى فتاوينا إحنا
– يابنى طيب بذمتك قبل النت كان حد يسأل الأسئلة دى
استغفر يابنى استغفر وقول ورايا الحمد لله على نعمة الإسلام
– مقلتش حاجة يامولانا دا احنا فأكبر نعمة بس نسأل ونعرف عشان الناس تفوق كدا وتعيش فى الواقع والفكر المعشش ده ينتهى ونبقى زى الناس المحترمة
– شوفت يابنى ماهو ده الهدف يشككوكم فى دينكم تعالى يابنى نصلى صلاة الخوف علشان ربنا يوقف المطر .. ولا قولى
– نعم يامولانا
– تعالى الأول إديك حتة دعاء لابعاد كورونا عنك واديك حجاب تعلقه يطرد عنك النت والفيس ويبعد عنك المؤامرة العالمية علي عقولكم وتفضل امنة مطمئنة مقفول عليها بقفل الإيمان وخد كتاب تحصين المسلم فيه حديث عجب عن كيفية مواجهة مرض الفكر ربنا يكفيك شره يابنى ..اه ما احنا رزقنا عليكم

  شريف جابر | Help Me Escape Egypt


Ahmed Allaam Elkholy

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق