منظمات حقوقية

لا لتعدد الزوجات في مصر | * الشيوخ / اتحجبوا يا ستات علشان الفتنه وعلشان تدخلوا الجنه و علشان كل الستات

لا لتعدد الزوجات في مصر

* الشيوخ / اتحجبوا يا ستات علشان الفتنه وعلشان تدخلوا الجنه و علشان كل الستات لو اتحجبت مش حيبقى فيه فتنة و عمره ما حيبص بره #حاضر
* الشيوخ / لا الحجاب ده ماينفعش لازم فضفاض وساتر وبلاش الالوان المبهجه البسوا الوان حشمه كده واللبس مايكونش زينه فى ذاته # طيب والرجاله يتزينوا براحتهم؟
* الشيوخ / ايوه اصل انت فطرتك حب الزينه فلازم تحاربيها انما الراجل مش فطره عنده فيلبس براحته # حاضر * الشيوخ / النقاب مهم فى زمن الفتن بلاش حجاب يا بنتى البسي نقاب # حاضر
* الشيوخ / شوفى كل الغلاء والهزائم وضياع فلسطين بسببك علشان مبينه عنيكي داريها # وامشي ازاى لو حطيت البيشه على عينى نظرى حيضعف على العموم حاضر
* الشيوخ / شوفتى نسبه التحرش زادت علشان خرجتى من البيت وقرن فى بيوتكن ( الايه لزوجات النبى فقط ) اتسجنى فى البيت #حاضر
*الشيوخ / لازم تطيعى زوجك وتبقي زى الأسيره عنده وحقه يضربك و اوعى ينام زعلان مهما كنت تعبانه جسديا أو نفسيا والا الملائكه حتلعنك # حتلعنى انا وتسيب السفاحين والطغاه والمرتشين حاضر *
* الشيوخ / جوزك حقه يتجوز عليكي ومش من حقك تعترضى انت كده بتعترضى على الشرع والدين وممكن نكفرك # حرمتوا عليا كل متع الدنيا حرمتوا عليا انى حتى البس طقم شيك مهما كان واسع لأنه زينه فى ذاته وحرمتونى من الخروج والفسح ولو خرجت ضميرى يعذبنى على الذنب الفظيع ( انى شاركت الرجاله فى الشوارع والدنيا ) حرمتونى من زياره امى لو هو رافض ( علشان مزاجه كده ) حرمتونى من احساس النجاح والشغل وانا رضيت وقولتولى البيت مملكتى وصدقت ولقيت نفسي ملكه بتضرب وتتهان وتخدم ملكه محرومه من كل متع الحياه ورضيت وكمان عايزين تجبولى نار فى بيتى تحرقنى ليه ؟ الضره نار والغيره نار طيب لو مت من القهره مين حيربى اولادى سجنتونى وقولتولى ده تكريم !!!!! من أمتى السجن و الآسر تكريم ؟!!!! قولتولى الحجاب حيمنع جوزك يبص بره وقولتولى فى نفس الوقت أن حقه يبص بره قولتولى انى لازم البى كل رغباته أما أنا اترمى اخبط دماغى فى الحيط ثلاث ايام من اصل اربعه ايام قولتولى أن فى الجاهليه كانوا بيدفنوا البنات وهو الدفن يفرق ايه عن سجنكم ؟ الموت بيريح المسجون الذليل وفى الآخر احنا اكثر اهل النار !!!!!! الرجاله لهم كل متع الدنيا والاخره واحنا لا دنيا ولا آخره كفاااااااايه بقي زهقنا وتعبنا ومش حنسمحلكم تعملوا فينا كده
(البوست مش شخصى)
أ /مها مختار

  صوت الكويتيين البدون| كاتبة صهيونية .. تتحدث عن " البدون في الكويت " ؟!

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق