قضايا المرأة

“أتمنى يكون في قانون بيمنع الطلاق إلا في داخل المحكمة بعد الاتفاق على اللي يخص ا…


“أتمنى يكون في قانون بيمنع الطلاق إلا في داخل المحكمة بعد الاتفاق على اللي يخص النفقة والأطفال”

رغم آلاف الأحكام القضائية اللي بتطلع بالنفقة لصالح الزوجة والأطفال وبعد معاناة ووقت طويل، ورغم أنها أحكام واجبة النفاذ، لكن على أرض الواقع هنلاقي ان اغلبها مش بتتنفذ بسبب الألاعيب من الزوج زي:
تغيير محل إقامته؛ عشان يتهرب من تنفيذ الحكم والزوجة هي اللي عليها إثبات محل إقامته الجديد.
تقديم شهادات طبية مزورة، عشان يثبت انه مش بيقدر يشتغل، فيقلل النفقة على قد ما يقدر.
دفع الرشاوي لأمناء الشرطة، مقابل أن تحريات المباحث واللي بتعتمد عليها المحكمة بشكل كبير يتكتب فيها دخل أقل من الفعلي.
المشكلة الأكبر هي تزوير مفردات المرتب؛ ففي 2015 محاكم الأسرة رصدت 11 ألف دعوى اتحرمت بسببهم الزوجة من النفقة بسبب تزوير مفردات مرتب أقل من الحقيقي.

عشان كده “مؤسسة قضايا المرأة المصرية” في مقترح قانون الأحوال الشخصية اقترحت من ضمن الحلول أن نيابة الأسرة بس هي اللي تبقى مختصة بالتحريات عن دخل الملتزم بالنفقة لو المحكمة طلبت منها.

شاركينا طرق تانية الستات تقدر تثبت بيها دخل الزوج

#نجاة
#لسة_في_حياتك_نجاة
#حكايات_نجاة
#الاغتصاب_الزوجي
#سوبر_وومن
#١٦يوم
#16DaysofActivism2022
#حملة_ال16يوم_لمناهضة_العنف_ضد_المرأة
#سوبروومن
#16days
#قانون_منصف_للستات
#حكايات_نجاة

كتابة: محمد طارق


يمكنك دعم الموقع من هنا
مؤسسة ندى لحماية الفتيات

تعليق واحد

  1. قانون بيفرض على الأب المُطلَّق تحمل تكاليف أطفاله من غير ما نحتاج نروح نرفع قضايا نفقة ونتمرمط ببساطة فلان أب إذا هو مسئول عن أطفاله، لكن قانون يمنع الطلاق إلا في داخل محكمة أظن هيكون قانون تعسفي للمرأة لإن مش كل الستات هتقدر/ هتلحق تروح محكمة علشان تهرب من شخص مسيء.

اترك رد

زر الذهاب إلى الأعلى