منظمات حقوقية

لا لتعدد الزوجات في مصر | رسالة عن الختان قطعت قلبي كل ما أشوف بوست عن الختان بحس إن قلبي بيتقطع من

لا لتعدد الزوجات في مصر


رسالة عن الختان قطعت قلبي

كل ما أشوف بوست عن الختان بحس إن قلبي بيتقطع من الألم ، و بجد حابه أحكي قصتي ، موضوع الختان دا ملوش دعوه بالجهل الختان دا إرهاب و تطرف ، عائلة بابا فلاحيين و جدتي و جدي و إعمامي مش متعلمين ناس بس شغلهم الشاغل الغيط و الحيوانات اللي بيربوها ، لكن مفيش و لا واحد منهم ختن بناته و لا فكر مجرد تفكير أن يختن بناته ، حتى عماتي اللي كل واحده فيهم عندها ما يقارب ٥٠ و ٦٠ سنه يعني اتولدوا في عصر كان الختان فيه طبيعي و بيتعمل لاغلب البنات مفيش و لا واحده منهم إتختنت رغم إنهم مش إتعلموا و لا دخلوا مدارس ، أم بابا هو الوحيد اللي دخل مدرسه فيهم و هو الوحيد اللي دخل جامعه و بقي دكتور في الجامعه ، بابا سلفي متشدد أوي بيسمع كلام الشيوخ و يطبقه بكل ما أوتي من قوه بدون حتى ما يشغل مخه ، في مره فتح فديوهات عن الختان للحويني اللي بدعي عليه من كل قلبي ، و الفديو كان بيتكلم فيه ان لازم البنت تختتن و ازى متختنتش هتفجر و هتبقه عاهرة و ازاي ان العاهرات مش بيتختنوا و كلام كله هبل ، بابا اقتنع بكلامه ، و بعديها اتفق هو و ماما رغم ان ماما ذاقت من نفس الكاس اتختنت و هي صغيره و بتعاني لغاية دلوقت رغم ذلك معترضتش و لا رفضت لبسوني عبايه و بابا قلي يلا عشان هنخرج و هجبلك حجات حلوه ، رحت معاه و انا مش فاهمه حاجه و دخلوني عند الدكتور و انا مازلت مش فاهمه ايه اللي هيحصل كان عندي ١٠ سنين
و خدرني الدكتور و قطع كل ما هو موجود ،مسبش حاجه الحمد لله ان مشليش الرحم بالمره ، الا و ازاله ، انا نزفت و فقدت دم كتير جدا هو مكنش عارف يعمل ايه فعملي غرز مش عارفه برده فيدتها ايه الغرز لم مكنش فيه حاجه موجوده ان تتخيط اصلا
اختي كانت بره قالت شفتهم طلعين بجردل دم و الممرضات مش على بعضهم و متوترين بس الحمد لله نجيت باعجوبه ، و عشت شهر من الالم النفسي و الجسدي لغاية ما الجرح بدا يخف ، لم وعيت سالت ماما ليه عملتوا فيه كدا ، قالت عشان لم تتاخري في الزواج يبقه عادي و متفكريش تعملي حاجه غلط و افرض زوجك مات ، تمشي على حل شعرك يعني ، مقدرتش ارد عليها و اقلها طيب استنوا لم اتاخر عن الزواج افرض انا متاخرتش ليه استعجلتوا ، طيب افرض زوجي ممتش وانا اللي مت قبله ليه اتحرم من حاجه ربنا ادهالي انا مش عارفه هم عملولي ختان ليه لم هم هيزوجوني بدري
بالشكل دا ، انا تزوجت وانا عندي ١٨ سنه
الناس اللي بيختنوا بناتهم هم اكتر الناس اللي بيزوجوا بناتهم بدري ، دا حتى مدنيش فرصه انا افكر حتى في حاجه زي كدا ، و اتزوجت بئه و بتعامل طبيعي و كان شيء لم يكن و كل علاقه لازم امثل اني مستمتعه و هموت من الاستمتاع ، و طبعا مبقدرش و النور منور لان مبقدرش امثل و ملامح وشي مش بتقدر تعبر على اللي مفروض اعمله ، و مش عاوزه اقول لزوجي اني مختونه عشان ميحسش بالنقص او يحس ان انا مش كامله او يحس اني لو اتزوج واحده مش مختونه هتبقه احسن مني ، الختان مش بيقتل الرغبه الختان بيمنع الشبع ، الرغبه ملهاش دعوه بالختان لكن ان تشبعي رغبتك مش هتقدري بدال ما تبقي بعد العلاقه مبسوطه لا انا ببقى بعد العلاقه حاسه بحزن و توتر و حالتي النفسيه بتبقه وحشه و بقعد اعيط بيني و بين نفسي ، الدكتور ازال البظر كامل و الشفرات مخلاش اي حاجه ممكن احاول اشبع رغبتي بيها ، بسمع بس عن الهزه و الشبق و الاستمتاع و الحجات دي بس مجربتهمش ، بس عندي سؤال بيراودني ليه ماما عملت في كدا لم هي عانت معاناتي ليه رضيت بكدا لم هي عارفه باللي فيها

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق