كتّاب

من أعظم الخدمات إلّي الواحد مُمكِن يقدمها في الوقت الحالي…..


من أعظم الخدمات إلّي الواحد مُمكِن يقدمها في الوقت الحالي.. هو إنه يهتم بالفقراء والناس الغلابة .. من حيث علاجهم واحتياجاتهم المادية على الأقل الأكل والشرب .. أعرف ناس أمينة جدًا ما زالت بتحرص تدي ربنا حقه (العشور) كل أول شهر .. وبتعمل مجموعة وتتكفل بعدد ما من الأسر .. ويعملوا شنط ويوزعوها في كل أول شهر بيبقى فيها (سكر ، زيت ، سمنة ، مكرونة ، أرز ، لحمة أو فراخ .. ) وكل ما هو ضروري يكون موجود داخل كل بيت .. الحقيقة الخدمة دي من أعظم الخدمات وأهمها .. ربنا مش هيفرح لما نعمل مؤتمرات بالآلاف وفي أسر بتموت من الجوع والفلوس دي أولى وأحق بيهم .. أتمنى نرجع في الوقت والظروف الصعبة دي نفتكر ربنا ونديه حقه .. ونحِن على بعض ونساعد بعض على قدر استطاعتنا .. أتمنى تطبيق وبدء الخدمة دي وبسرعة جدًا من أجل كل إنسان متألم والاحتياج مبهدله .. والخدمة دي لكل الناس للمسلم قبل المسيحي في النهاية كلنا واحد وكلنا بشر عندنا نفس المشاعر والاحتياج .. في الحقيقة قلبي بيتقطع لما بشوف حد محتاج أي مساعدة ومش بيكون في امكاني اساعده .. ده علشان أنا لوحدي وورايا التزامات معينة لكن لو أنا معايا مجموعة مثلًا من الناس حتى لو كانت صغيرة هنعرف نشترك ونساعد ونشجع بعض ونقدموا خير وعطاء لكل محتاج وربنا أكيد هيبارك وهيسند وهيكمل .. أرجوكم الأزمة والظروف غير محتملة وفي ناس فعلًا بتنام من غير عشا .. ياريت لا نتردد لحظة في مساعدة غيرنا بكل الطرق وأقل حاجة ممكن نقدمها لو مش قادرين ندي هي اننا نصلي ليهم ربنا يبعتلهم بطريقته .. وربنا مش بيسيب حد .. الكتاب المقدس بعهديه ، والقرآن الكريم .. وصوا على الفقراء والمحتاجين بشدة .. ربنا يعوض كل واحد بيدي باسمه أضعاف .. إلّي بيدي هنا بيحوش رصيد كبير في السما .. صلواتكم ربنا يعدي الأيام دي على خير.

#أبانوب_فوزي

يمكنك دعم الموقع من هنا
مؤسسة ندى لحماية الفتيات

Abanoub Fawzy ابانوب فوزي

شاعر ـ كاتب قبطي

اترك رد

زر الذهاب إلى الأعلى