مفكرون

اياد شربجي | ليش بتضل تنتقد الاسلام؟ – لأنني أؤمن أنه مفتاح كل القضايا ، والعنصر المؤثر

اياد شربجي

ليش بتضل تنتقد الاسلام؟
– لأنني أؤمن أنه مفتاح كل القضايا ، والعنصر المؤثر الأكبر في المنظومة الفكرية والقيمية لمج تلكنا ، والسبب في كل ما نحن عليه.
– – – – – – – – – – – – –
ليش بتركز على السلبيات في الإسلام وبتتجاهل الايجابيات؟
– الايجابيات هي الشيء الطبيعي واللي لازم يكون ، السلبيات هي التي يجب أن نقاشها وتحييدها ، عدا ذلك معظم المسلمين قايمين بالواجب وأكثر بنشر الايجابيات شي صحيح واغلبوا كذب ، فلا ضير من واحد بين ملايين ينشر السلبيات.
– – – – – – – – – – – – – – – – –
اللي بتكتبو عميزعزع ايمان الصغار واليافعين وعمتراودهم على هواهم؟
ما افعله هو نشر كلمات في فضاء الكتروني ، ليس معي سيف أو سلطة لأجبر أحدا على تغيير قناعاته ، انت الذي يجب أن تسأل نفسك لماذا تملك سلطة القوامة والأغلبية العددية وملايين المنابر واحتكار الحقيقة والقدرة على العقاب والمحاسبة ، يفر الشباب من قناعاتك إلى شخص مثلي.
– – – – – – – – – – – – – – – – – –
ليش ما بتنتقد المسيحية واليهودية؟
– ما بيهموني ، ولا بيأثروا فيني او بمجتمعي سلبا.
– – – – – – – – – – – – – – – – –
شو هدفك من اللي عمتكتبو؟
– ما هدفي أبداً أنشر قناعات ، هدفي فقط انو شغل مارش عقول الناس ، وهم سيجدون الطريق بمجرد أن يعرفوا أن التفكير حلال.
– – – – – – – – – – – – –
لماذا لا تحترم مقدساتنا؟
أحترمك كإنسان ، لكن من لا يحترمني ولا يحترم انسانيتي ويشكل تهديداً على أمني الشخصي ويستعدي الناس ضدي لمجرد رأي شخصي ، ليس مقدساً عندي ، بل عدوي الذي يتربص بي.
– – – – – – – – – –
انت صحفي ولازم تكون موضوعي.
– اللي عم اكتبوا ليس عمل صحفي لأحاسب عليه مهنيا ، هو رأي شخصي لمواطن.
– – – – – – – – – – – – – – –
ليش مسكر التعليقات لغير الاصدقاء؟
– فتحت التعليقات للعموم طيلة ثماني سنوات ، لكن لم تعد لدي القدرة والوقت على الرد على السفاهات والشتائم ، لذلك قصرت المشاركات منذ العام الماضي على المهذبين بالدرجة الأولى ، بفض النظر أن كانوا يتفقون مع آرائي أو مختلفون.
– – – – – – – – – – – – – – – – – –
ليش نزق وشايف حالك بكتاباتك؟
اللي بيعرفني شخصياً بيعرف إني مالي هيك ، بس بعالم الفيسبوك وقت تكون اغلب التعليقات على رأيك أمك وأختك وعرضك ، بتصوير نزق فعلاً ، وهذه مشكلة أعيها لكنني لا استطيع حلها ، لإنجاز بصراحة الجو العام في هذا الفضاء لا يستحق الاحترام ، والناس المحترمين اللي بيتابعوني فهمانين هالشي وما بيزعلو
– – – – – – – – – – – – – – – – – – –
شو عمتستفيد من اللي عمتكتبو؟
– صار عندي قصور وملايين ، وانفتحت قدامي الفرص والمضافات ، وصاروا الملايين يحبوني ويعلقوا صوري ببيوتهن ، وكل ما يسمعو بإسمي بيقولو ما شاء الله تبارك الرحمن ونعم الشباب … وانتو شايفين بعينكن اكيد
– – – – – – – – – – – – – – – – – – – –
مع مين عمتشتغل وشو عميدفعولك لتحكي اللي عمتحكيه؟
– ما حجاوبك على هالسؤال ورح خليها حرقة بقلبك.
==========
بتمنى جاوبت على كل الأسئلة اللي عمتجيني

  كرول اليمني | للتامل يقول السيد كرول اليمني قد يكون سبب اختفاء كورونا في اليمن، هو ان كل

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى
إغلاق
إغلاق