– على غرار ما يطالب به طلاب الجامعات بالنجاح التلقائي لهذا الفصل بسبب التخبط والقرارات غير المدرسة من قبل النخب "الأكاديمية" اسمحولي احكيلكم هالقصة.
- درست 3 سنوات ونصف في برنامج البكالوريوس في قسم الفيزياء في الجامعة الهاشمية حوالي 100 ساعة دراسية من مواد التخصص اقسم بالله الي استفدت فيهم مش اكثر من 18 ساعة فقط، باقي المواد كنت اسجلها وأنا عارف انه الي رح يدرسني هو الشيخ John من خلال قناته على اليوتيوب، كثير دكاترة حضرنا محاضراتهم فصول كامله وما استفدنا وما كنا نسمع الا عن بطولاتهم الي كانوا يحكولنا ياها وقت ما كانوا في أميركا وبريطانيا وإسبانيا.. الخ. تخرجت من برنامج البكالوريوس ودخلت الماجستير وانهيت جميع متطلباته وأنا مقتنع ان الشهادة للجميع والعلم لمن أراد.
- نجحوهم لأنه الامتحان عمره ما كان مقياس حقيقي لمخرجات التعليم، وقت بكون خريج الطب ما بفرق بين الإنفلونزا والتحسس، وخريج العربي ما بفرق المبتدأ من الخبر، وخريج الفيزياء ما بفرق الذرة من النواة، وخريج الهندسة ما بعرف يحل مشكلة برغي وقد يمتد هذا العقم حتى للمدرسين في الجامعات فاعقتد وقتها لا فرق بين نجاح الطلاب جميعا او رسوبهم جميعا. لأنه التشديد وقتها لن يفهم الا كمحاولة لتغطية عيوب العملية الأكاديمية بجميع اركانها ابتداءا من اصغر موظف في الجامعة وصولا لأكبر بروفيسور فيها.
-
لا ننكر فضل البعض من الأكاديميين الي درسونا وغيرونا واثروا بحياتنا بلا شك بس هذول مطحونين زينا بالجامعات، لذلك نجحوهم وخلصونا لأنه في كثير احيان وجود الطالب في المحاضرة او عدمه ما رح يفرق لأنه لا يوجد محتوى يقدمه البعض من الأكاديميين وتجاربنا كثيرة ونعرف الغث من السمين. ????
رائد الريموني | ناشط مجتمعي
