نسوي’ارت النسخة الثانية دعوة للمشاركة : مشروع معرض مشترك – ذاكرة الجسد – …

نسوي’ارت النسخة الثانية 🌈

📢📢📢 دعوة للمشاركة : مشروع معرض مشترك – ذاكرة الجسد 📢📢📢
–

2020 كانت فرصة فين كتشفنا 22 فنان.ة كوير من المغرب لي شرفونا في النسخة الأولى ديال نسوي’آرت.
هاد العام نسويات غتقدم ليكم النسخة الثانية من مشروع نسوي’آرت تحت عنوان : “ذاكرة الجسد” للفنانات و الفنانين المرئيات.ين (مصورتين / رسماتين ) كوير ترانس و غير ثنائيتين.
الهدف ديال هاد المشروع هو تسليط الضوء على الجسد عن طريق رحلاته، أحلامه، إضطرابات هويته الجندرية، تحولاته، تخوفاته، تغيراته و خصوصياته في الزمان والمكان.
مشروع معرض “ذاكرة الجسد”، هو أرشيف مرئي لأجساد كوير ترانس و غير ثنائيين لي كيعيشو و كيتعرضو لقصص مختلفة، تغييرات متعددة، حصارات و فوارق أمام العوائق الاجتماعية،السياسية، الإقتصادية و النفسية.
فمجتمع لي معندناش حق الملكية على الأجساد ديالنا، وقدام تعيينات و بنيات بيولوجية واجتماعية ثنائية لي كتحكم فينا.

الهدف ديال هاد المشروع هو نشجعو الفنانات.نين أنهمن يفكروا و يخدمو على عمل لي كيعبر على كيفاش كيشوفو الجسد؟ شنو هو الجسد ؟و شنو كتعني لكل واحد.ة الخصوصية الجسدية؟
“ذاكرة الجسد” جا باش يحفز الرغبة، يخلق ويشارك الأعمال ديال لأشخاص الترانس و غير ثنائيتين لي محضراتينش بزاف و لي مبيناتينش فالساحة الفنية لي كاينة.
هاد الأشخاص كيكونو فأغلبية الوقت موضوع عمل لأناس غير معنيتين .
و بالتالي أننا نعطيو صوت للأشخاص المعنيتين و نبدلو كيفاش كنقدمو الترانس و غير الثنائيتين فالطريقة الثنائية و الكلاسيكية وأنه يكونو عندنا رؤيات جديدة هما لب و أساس هاد النسخة الثانية.

هاد النسخة الثانية هي مشروع معرض لي غايكونو فيه 10 فنان.ة و لي غتختارهوم لجنة نسويات المتكونة من مجموعة ديال الفنانتين الكوير.

الشروط :
الدعوة مفتوحة للفنانات و الفنانين المرئيات.ين كوير ترانس و غير ثنائيتين.
آخر أجل باش دفعوا هو 30 يونيو.

للمشاركة :

https://docs.google.com/forms/d/e/1FAIpQLSdDsdiJe6i1ui3GHBB313cmFmCi0IgpB-MXwjvlVxFZXtFQ7Q/viewform?usp=sf_link