زى النهاردة
يوم ان صفع الشعب الاخوان والاسلاميين على قفاهم …
وهكذا عادت الشوارع من جديد تهتف ضد حكم مرسى والاخوان
الإخوان والسلفيين ….. باعوا الشهدا فى الميادين
عيش حرية ..إسقاط التأسيسية..عيش حرية .. إسقاط التأسيسية
عاش المسلم ويا القبطى .. .. أصل مصيبته هى مصيبتى
مشروع نهضة ونور مقطوع ….. هى دى سياسة المخلوع
يدوا رشاوى فى الانتخابات …… حلم الثورة معاكم مات
يا إخوان تاريخكم عار …… من يوم ماقتلتوا الخاذندار
يا إخوان تاريخكم فاشى …… من يوم ما قتلتوا النقراشى
يا دستور عايزين مساواة ……. محدش يحكم باسم الله
عبد الناصر قالها زمان …… الاخوان مالهمش امان
يعنى ايه دستور اخوان …… يعنى مشانق فى الميدان
اصحى ياشعب يللا وثور ….. الاخوان خطفوا الدستور
افرح افرح يامبارك ….. مرسى بيكمل مشوارك
إصحى يا مرسى وصح النوم ……. عدوا وفاتوا الميت يوم
يا نهار اسود ع التهييس ….. جاى م السجن ويبقى رئيس
يسقط يسقط حكم المرشد ….. يسقط كل كلاب المرشد
لم كلابك يا بديع ….. دم إخواتنا ومش حيضيع
قالوا حرية وقالوا عدالة .. اللى يخون الثورة زبالة
قالوا الإسلام هو الحل ….. ومش شايفين غير فقر وذل
روح يا مرسى قول لبديع ….. إحنا الشعب ومش حنبيع
روح يا مرسى قول لسيدك …. حنحط الحديد فى ايدك
إفرح إفرح يا مبارك …. مرسى بكرة حيبقى جارك
ارفع كل رايات النصر …. يللا يا مرسى سيب القصر
خيرت شاطر حلق حوش …. مشروع نهضة طلع فنكوش
إكتب على باب البيت ….. مرسى رئيس بقزازة زيت
آه يارئيس الزيت والرز … ايوة انا جيت وبقولك طز
قولوا للقاعد جوة القصر …. انتوا عصابة بتحكم مصر
إكتب على حيطة الزنزانة ….. حكم المرشد عار وخيانة
شوفنا حكومة الحزب الواطى …. وآدى حكومة مرشد واطى
يا إخوان يا مسلمين …. ضحكتوا علينا باسم الدين
جوة المطبخ الغريانى …. سلقوا الدستور الاخوانى
يسقط يسقط حكم المرشد …. يسقط يسقط كلب المرشد
يا حرية فينك فينك …. حكم المرشد بينا وبينك
اقفل ع الحرية الباب …. مرشد عار ورئيس كداب
خيرت شاطر حلق حوش … حكم النهضة طلع خرطوش
سامع ام شهيد بتنادى ….. كلاب المرشد قتلوا ولادى
انا مش كافر انا مش ملحد …. يسقط يسقط حكم المرشد
قالوا عداله وقالوا حريه ….. قتلوا اخواتنا فى الا تحاديه
اوعى يامرسى تعيش ف الدور….. انت حيالله رئيس طرطور
قولو للمرسى وقولو لبديع …… مصر حضاره وفن رفيع
انا مش كافر انا مش ملحد …. عمرى فى يوم ماركعت لمرشد
احنا الشعب لجيش ولا شرطة …… ولا إخوان بتقسم تورتة
اضرب غاز اضرب حى ….. انت يا مرسى دورك جى
يللى بتحكم باسم الدين ….. الفقرا بيناموا جعانين
باسم الشرع وباسم الدين ….. سرقوا حقوقكوا يا مصريين
يللا يا مرسى هات قناصة….. لسة فى صدرى مكان لرصاصة
يا إخوان يا مسلمين ….. ضرب المرأة فى أى دين
فاكرين يوم خمسة وعشرين ….. الإخوان قالوا مش نازلين
كدابين كدابين ….. بعتوا الثورة باسم الدين
قوللى مين بيحكم مصر ….. شاطر ولا بديع فى القصر
مصر بلدنا حتفضل حرة ….. والاخوان والمرشد بره
مصر ياغالية يانور العين …. الاخوان قسموكى اتنين
الاخوان المسلمين …. قتلوا الثوار باسم الدين
الاخوان المسلمين …. ضحكوا علينا باسم الدين
هما اتنين مالهمش أمان ….. السلفية والاخوان
الاخوان دول كدابين ….. دول بيتاجروا باسم الدين
روح للمرشد وطّى و بوس …. بكرا يا مرسى عليك هاندوس
اكتب على جدران الاوبرا ……. تلاتين ستة الثورة الكبرى
انا مش كافر انا فنان ….. يسقط يسقط الاخوان
اقطع مية واقطع نور …… انت رئيس اصلا طرطور
يسقط يسقط الاخوان ….. جهلة وفشلة فى كل مكان
افتح للحرية الباب .. سينما ومسرح هنا وكتاب
يا إخوان يا مسلمين .. مصر حضارة وفن ودين
وحياة دمك يا شهيد …… حكم الثورة جاى أكيد
…. من كتابى : هتافات الثورة المصرية ونصوصها الكاملة
يمكنك دعم الموقع من هنا
مؤسسة ندى لحماية الفتيات
