اياد شربجي
أحد الأصدقاء نشر فيديو من الصين يظهر موكبا ضخ للأطباء في ووهان تسبقه سيارات وموتورات الشرطة احتفاء بهم ، والتعليقات كلها مديح بهذا البلد العظيم والحكومة الصينية اللي كانت قبل شهرين فقط حكومة كافرة تقتل مـ///ــلمي الايغور.
دخلت كتبت كلمتين بس ، انو هي مجرد بروبوغندا دعائية ، وهدول الأطباء الابطال انفسهن حقهن رصاصة إذا فكروا يعترضو على الحكومة الصينية ، فوصلني على الخاص هاد الرد المفحم .. !!!
بعرف انو بحكي بالموضوع كتير واكتر من الأمريكيين انفسهن ، بس كراهية العرب لأمريكا ، شيء لا يمكن فهمه ، مبارح عم أقرأ التعليقات على خبر تخطي الولايات المتحدة حاجز ال 100 الف مصاب اي ما يشكل 20٪ من عدد الإصابات المسجلة في كل العالم ، معظم التعليقات شماتة وفرح وآيات وأحاديث وعيد وانتقام.
حقيقة انا بنفسي تصير الصين هي القوة العظمى وتحكم العالم سنة وحدة ، بس ليشوفو الناس بعينهن شو يعني يتحكم هيك نظام ديكتاتوري بالعالم ويفرض ثقافته عليه ، وقتها بس حيقدروا الناس نعمة الامبريالية ويطلعوا بمظاهرات تطالب بعودتها.