كريم حبيب
ميعاد المقابلة ، متحمس إني أشوفه
أسمع منه أكتر عن حياته وأحلامه وظروفه
بس المفاجأة إن نور ماطلعش راجل
في بنت قدامي بتقولي أهلاً مابقتش فاهم
سألت بإستغراب: إسمك نور عبد الكريم؟
ردت عليا بإبتسامه أهلاً، وإنت مين؟
سألت تاني، ليكي إخوات؟
ردت أيوه بنات المسؤولية عنهم يوم ما ابويا مات
إتصدمت الإجابة نفس كلام السطور
وجوا عقلي ألف صوت بيقولي مش معقول
إزاي كانت في ورشة؟ إزاي كانت سند؟
إزاي كانت رجولة دي بنت أصلاً مش ولد؟
إزاي عٌمال رجال يقولوا ليها ياريسه؟
إزاي هقول إخترت ست إخترت مهندسة؟
جوايا صوت بينكر السؤال قبل الإجابة
بينكر التردد وبيأمر بالإستجابة
لصوت العدل فيا ويفكرني بإختياري
عشان قدامي بنت يبقي هغير قراري؟
عيب وعار عليا وليها لازم اعتذر
إزاي مابين أفكار مريضة قديمة بتأسِر؟
عقلت وإديت لنور ورقة مذكراتها
قلتلها إني عارف كتير قوي عن حياتها
مبروك عليكي الشغل ومتأكد هتنجحي
وأتمني نكون صفحة في حياتك فيها تفرحي
# زاب_ثروت
