الشخبول على الحائط …………
ضحكوا علينا وفهمونا إن الرقص الشرقى فن زى الغنا والتمثيل والباليه والرسم، واحنا عملنا نفسنا مثقفين وملناش جذور فلاحين، لأ، احنا من أهل البندر اللى مابيفهموش ف الأصول، وقلنا آمين، دة فن وراقى كمان………
الحقيقة يا جماعة الرقص الشرقى مافيش فيه أى نوع من الرقى، دة ابتذال وعهر وقلة أدب ونخاسة للرقاصة اللى بتبيع ثدييها، وملهاش علاقة بالفنون الراقية، ولازم تعرفوا إنه ابتدى فى خيم البدو وقصور الخلفاء المسلمين باعتباره فياجرا مش فن، الخليفة كان بيبقى متجوز أربعة، والحرملك فيه ربعميت جارية من ماملكت يمينه وبالشرع برضه، يوصل مولانا للأربعين وركبه تخلخل ومفاصله تسيب ويبقى أدامه المياه وعطشان، ومش قادر يشرب، يقوموا يجيبوله منشط طبيعى زى الفياجرا اللى احنا بناخدها الأيام دى، وتهز مؤخرتها وثدييها فى إغراء لايقاوم، يقوم سيدنا الخليفة يجرى الدم ف عروقه ويحس بقدرة وفحولة ويطلع يجرى على أسطول الحريم ويعمل فيها ألف عتريس ف بعض.
الرقاصة الشرقية أنقذت الخلفاء والأثرياء من العجز والمهانة أدام الحريم، بالظبط زى ما الفياجرا أنقذتنا من المذلة أدام ماملكت أيماننا فى العصر الحاضر، بس ماحدش طلع وبكل بجاحة وطلب إن قرص الفياجرا يبقى فن راقى . !!!
ملحوظة خارج السياق: فى قصيدة للعظيم نجيب سرور العيال الفلاحين فى الأزهر تحت رجلين الشيخ اللى بيقول لهم ” الشخبول على الحائط”، وهما اتكسفوا يسألوا عن معنى الشخبول لحسن يعرف انهم فلاحين، قام الفلحوس اللى فيهم وسأل ” مولانا، مامعنى الحائط” ؟…………….
يمكنك دعم الموقع من هنا
مؤسسة ندى لحماية الفتيات
كان فيه وصف للرقص الشرقي مذهل ومبدع في كتاب وصف مصر .
وما معنى الشخبول؟
مولانا معلش سؤال هو في اي عهد بدا الرقص ده بالظبط العباسيين ولا قبلهم
طبعا مش فن
هو تعبير جنسي يمارس أثناء فترة الدورة النزوية للمرأة لجلب الرجال
اتفق معك تماما
طب والرقص اللي ع جدران المعابد دي اية !
مع ملاحظة
ان معظم الخلفاء ماتو دون الخمسة و الاربعين
يعنى لازم تقلب علينا المواجع يامولانا لا فية فياجرا ولارقاصات ولا نسوان من اصلة.
اللي خلي مايا خليفة تلقي محاضرة في أوكسفورد وسط حشود من طالبي العلم يخلي الرقص فن
اختلف معك : ولا ميت رقاصة هتحرك اللى مات ، مكنش حد غلب ….جايز تلهب المشاعر والأحاسيس اه ، اكتر من كدا بلح.
الرقص والموسيقى منذ أن بدأ الإنسان ببناء الحضارة
مامعنى الشخبول
اطالب وانتخبك رئيس الأزهر 😁😁😁
الرقص الشرقي مبتذل بشكل مخجل ومخزي فيما لو كنا نتفرج على فنون الرقص حول العالم مثلا الرقص الهندي فن رائع والرقص بكل انحاء أمريكا اللاتينية فن جميل جدا جدا وبكل بقاع الأرض ماعدا نحن العرب
اتفق تماما دة مش فن اساسا لاراقى ولاعبد الباقى الغريبه بقى ان زمان فى شبابنا فى العشرينات كان فى أفراح العيله إللى بتتعمل فى الفنادق كانت الراقصات حلوات وتثير الغريزة ومبتبقاش عارف هى جيه كفقرة من الفندق لإثارة العريس ام المعازيم .
بعد ماتدهورت مصر بقت الرقاصه فرز عاشر وتثير الفضيله وتسد التفس وتعلم ابليس الادب واختمال تجيب للعريس برود
على فكرة دا فن بيدرس فى اكاديميات متخصصة فى كل دول العالم
بوست حلو يامولانا. لكن مامعني الفياجرا؟❤👍👍عارفك هاتقولي صوفينار الرقاصة. معني كدة يبقي كلنا عاوزين صوفينار. حبيبي ياشومان ربنا يديلك الصحة.
من اخترع بدلة الرقص الشرقي ؟
يا مولانا
الشخبول علي الحائط
والحلمبوحه في البلكونه
…..
ساميه جمال
نجوي فؤاد
تحيه كاريوكا
……
فياجرا فقط
ام فياجرا ……وفن
افيدونا ……..
من وجهة نظري الشخصية لا تختلف كثيرا عن ما يحدث في كباريهات و بارات التعري هنا تجلس و تطلب مشروبك و تأتي فتاة ترقص و تتعري حول عمود و يمكنك طلبها ترقص علي مائدتك بمقابل و لك الحق في النظر و البحلقة و لكن لو لمست ستجد من يقبض عليك من قفاك و يلقيك بالخارج بعد دفع غرامة معتبرة
الرقص في كل بلاد العالم هو حركات متبادلة بين طرفين كنوع من الانسجام و التلاطف ، الرقص الشرقي هو رقص جنسي مشين
الا صحيح يامولانا هو ايه الشخبول ده وبعدين صافينار منقدرش نستغنى عنها الايام دى مافيش فلوس للفياجرا والنبي 😂
احسنت
حضرتك … معلش اختلف معاك … هناك رقص شرقي جميل جدا و راقي جدا …. بالتأكيد في رقص شرقي مبتذل في الملاهي الليلية … و لكن و حتي الغناء و التمثيل به اشكال مبتذلة و هابطة … اذن الرقص الشرقي هو فن البعض يقدمه بشكل مبتذل و البعض يقدمه بشكل راقي مثل اي شئ اخر … و حتي لو كان الخلفاء يستخدمون الرقص الشرقي لتحسين ادائهم …..طيب و ايه المشكلة اذا كان يساعد في حاجة ممتعة … اهو افضل من القتل و مؤمرات القصور و قتل اخوتهم حتي لا يطمعون في الحكم ..
الرقص فرعوني مش عربي
يعني يامولانا مابتحبش تتفرج علي الرقص الشرقي؟؟،،
د محمد شومان سوالى لحضرتك هل عندك صالون فكرى أو جلسات ثقافيه حواريه بتعملها ولا لا
فعلا الرقص الشرقي فن يثير الغراءز ولكنه فن صريح الراقصة تقوم فيه باستعراض كل امكانيتها الفنية و الجسدية و التضاريسية لاسعاد المتفرجين وهذا يحسب لها عكس الكثيرين من مدعين الشرف من سياسيين واعلاميين و ورجال دين كل اعمالهم السوداء تتم فى الخفاء من تحت الترابيزة كما أن الراقصة لها عمر زمنى وسن معين لازم تعتزل عنده عكس المهلبتية الطريق مفتوح امامهم حتى آخر العمر اخيرا ايها الراقصة نشكر صراحتك وتعبك فى اكل عيشك با الحلال
لا اختلف معك في المجمل ولكن يجب ان نقر ان ما جعل الرقص الشرقي مبتزل هما الراقصات الروس اللي هبطوا علينا معرفش منين ولية ومين اللي جابهم حضرتك شوف سامية جمال او الرائعة نعيمة عاكف او سهير ذكي وهما بيرقصوا.. هل تشعر بالابتزال في حركاتهم؟ ولا بنشوف تناسق حركي ومتعة بصرية لرقصهم ؟
رجعوا الراقصات الروس لبلادهم .. بوتين في حاجة لهم
يعني يا مولانا انت مبتحبش تتفرج علي رقاصات؟
انا بحبهم اوي