من تاريخ الإلحاد فى مصر
“6”
عندنا ملحد مصرى قوى جدا بس مش معروف على مستوى العامة، هو عدلى باشا إبن صالح باشا لملوم، أصغر مليارديرات عهد فاروق وبداية العهد الناصرى، والفتى المدلل للإقطاع المصرى .
عيلة لملوم من شبه الجزيرة العربية، يعنى مش مصريين، ولأنهم كانوا قطاع طرق، محمد على نزلهم من الجبال مقابل إنه يديهم أراضى الصعيد، وفعلا نزل 27 ألف فارسى حرامى، وعائلاتهم اللى تعدت 100 ألف نسمة واستولوا على الصعيد، لذلك الصعايدة معظمهم من البدو بكل عنفهم ودمويتهم، مش مصريين خلص…….
وعيلة السعدى اللى منها لملوم عملت ردة أيام حكم الخديوى سعيد، الراجل بكل بساطة جاب العائلة ووقفهم أدام المدفع وضربهم بالنار وقتلهم جميعا، إلا تلاتة هربو الى ليبيا منهم لملوم، ورجعوا استولوا على مغاغة والفشن، ليرث الملحد عدلى باشا 14 ألف فدان .!!!
الباشا خلف طفل، جاب له مربية فرنسية وبنى له مدرسة فى حرم القصر، بس القدر بالمرصاد، الواد بيلعب ف الجنينة مع المربية حباية عنب وقفت ف زوره اتخنق مات.!!!
عدلى باشا إتجنن، ازاى السما تاخد وحيده بكل بساطة كدة، جمع السلاح اللى عنده وطلع على سطح القصر فضل يضرب السما بالنار من المغرب للفجر، وكل شوية يبعت عبد يشوف ربنا وقع قتيل ولا لسة، وفى النهاية نزل وماحدش يعرف نجح فى مهمته ولا لأ.
ويقال إنه ف مرة كان راكب حصانه بيتمشى فى أملاكه التى لايحدها بصر، فلقلى فلاح بيصلى وبيدعى ربه بحرارة وإلحاح، راح وقف فوق راسه بالحصان وسأله: إنت عمال تدعى ربك بحرارة بتطلب إيه؟ ليرد العجوز بصدق: بدعى له يرزقنى ببقرة، ليكمل الباشا: وربك إستجاب لك بعد الصلاة والحرارة دى فى التوسل والدعاء؟ فيتلفت الفلاح حوله ولايجد بقرة فيرد: لأ، ربنا ماستجبش لدعائى، ليكمل الباشا بغرور: طب أنا عدلى باشا، قل لى ياعدلى باشا أرزقنى ببقرة، فكرر الفلاح المسكين كلام الباشا المغرور: ياعدلى باشا أرزقنى ببقرة، فيرد عليه الباشا الإله: روح الكارة واسحب أكبر بقرة تعجبك، ومن غير ماتصلى لى، وبالفعل يدخل الفلاح الكارة ويسحب أكبر بقرة ويتركه الباشا وهو يشكر الله الذى أرسل له الباشا ليهب له البقرة .!!!
السما برضه بتنتقم زى البشر، بعتت لجنة تصفية الإقطاع للباشا عدو الله، الباشا ركب حصانه وأخد أتباعه وعبيده ورجالته بالآلاف وراح ضرب نار ع المركز، وعبد الناصر مش هايسكت، بعت له كتيبة زى اللى بعتها ل محمود شومان من الجيش وقبضوا عليه واترمى ف اللومان.
حكموا عليه بالإعدام، اتوسط له ملك السعودية وملك ليبيا اتخفف الحكم للمؤبد، وكل شوية يدخل عليه مسئول يقول له إكتب إلتماس ل عبد الناصر وهو يعفو عنك، يرد بعظمة وهو ع البرش: أنا؟ عدلى باشا لملوم يكتب إلتماس لابن البوسطجى؟ برة يا ك لب، بلوك.
كان إنتقام السما من عدلى باشا إنه يتعب صحيا، ويخرج من السجن يموت شاب ملحد كاره ومكروه من السما والأرض.!!!
فلترحم السماوات العظماء منا …………………….
يمكنك دعم الموقع من هنا
مؤسسة ندى لحماية الفتيات
فلترحمه السماء
هو ازاي ملحد وعندو ايمان ان الله موجود في السماء ورايح يقتلة كمان!!
الملحد مش مقتنع ان الله موجود من الاساس ولذلك هو مش ملحد هو شخص مصدق ان في اله بس جاحد بية