صديقتي الروائية الحكاءة Afaf Elsayyed شركت الفيلم .. أنا استوقفني ان انحراف عماد حمدي وهو الأب اللي طلع فوق الشجرة تكلف عشرة جنيهات .. اليكم المقال 😂😂😂
اول مرة اشوف فيلم ابي فوق الشجرة دلوقتي ع قناة غامضة مش عارفة اسمها اطلب ولا ده اعلان .
المهم استرعى انتباهي عدة أشياء مريبة منها ع سبيل المثال لا الحصر
– أن حليم ف الفيلم طالع طالب جامعة 😊 ونادية لطفي غانية ضحكت عليه وسقته حاجات كتير اصفرا .
– واحد صاحب حليم راحله الكباريه عشان يوعظه فحليم بيقوله انا ف الجنة هنا .. فصاحبه بيقوله إذا كنت فاهم دي الدنيا اومال الآخرة ايه 😀
– نادية لطفي سفرته لبنان وضحكت عليه هناك وخلته يبوسها .. والصراحة كان بيحضنها بشكل مضحك وكأنه بيتعامل مع شوال بطاطس او بيصارع اخطبوط 🥺
– اكتشفت ان اغنية مشيت ع الأشواك هي جزء درامي ف الشجرة وعشان كده هعيد نظر ف علاقة ذكرياتي بيها😢
– عماد حمدي اللي هو أبو حليم راح يدور عليه ف الكبارييه عشان يرجعه من وكر الخطيئة راح وقع ف حبائل نبيلة السيد 😅اللي كانت غانية درجة تانية وضحكت عليه وخدته بيتها وخلته يديها عشرة جنيه وعاش معاها ف الوحل 😊 وكل يوم يروح يسهر معاها ف نفس الكبارييه ويفتحلها ازايز ويسكي جاك مش عارفة ايه .
– حليم راح ينزل ابوه من فوق شجرة “المعرفة” قام أبوه قاله انت السبب اللي خلتني اجي هنا وقعد يلطش فيه بالاقلام لحد ماجات نادية لطفي الغانية وقالته كلام ابنك صح راح اقتنع ع طول ومشيوا 🚶🚶
-حليم قعد يحضن ويبوس ف ميرفت امين اللي ماعرفتش هي مين وايه موقعها من الشجرة لاني ماشفتش الفيلم من أوله .
-اخيرا .. الفيلم ده ينفع نفرج عليه الشيخ قفة والشيخ كوشري لانه مناسب لعمرهم العقلي مع التوصية بتغيير الحفاضات ليهم كل شوية .
(17 بؤونة 6264)
#أبي_فوق_الشجرة
#عفاف_السيد
#حكايات_الفوفا
يمكنك دعم الموقع من هنا
مؤسسة ندى لحماية الفتيات
الفيلم تعرض لنقد كبير وقت عرضه .أنا شفته في أول عرضه .
المصيبة ان القصة لاحسان عبد القدوس اصلا ..والغرض منها لا تنهي عن خلق وتاتي بمثله 😂😇..بس تحول الي فيلم غنائي بقدرة قادر ..ايام الستينات بقي وكده ..
ملاحظات قوية