مفكرون

أحمد علام الخولي | الكوميديا الايمانية وسلوكيات المجتمع الحج محمود اللى مش راضى يدفع نفقة مراته


الكوميديا الايمانية وسلوكيات المجتمع

الحج محمود اللى مش راضى يدفع نفقة مراته زعلان أنه الحج اتلغى السنة دى فبدل مايدفع نفقة مراته ومصاريف ولاده استبدل فلوس ثواب الحج بجوازة جديدة واتجوز وحدة من دور بناته وقال للناس علشان استرها
—–
أما الشيخ إبراهيم اللى سرق نصيب أخته فى الميراث وقطع معاها صلة الرحم وجوز بنته إيمان لابن أخوه اللى مبتحبوش واكبر منها ب15 سنة زعلان قوى أنه هيصلى فى البيت فراح فتح الجامع وكسر القانون من التقوى فسلم على مصاب بالكورونا ومات بعد مااتصاب كل اللى فى الجامع
—–
والأستاذ عصام اللى فاتح جيبه ودرج مكتبه للرشوة زعلان قوى ومتعصب من مشهد الحرم المكى الفاضى فزود فيزيتا الرشوة وعمال يقول الفساد سبب البلاء
—–
أما المعلم شعبان بتاع الفرن اللى عمال يقلل فى حجم رغيف العيش ويقلل الكمية زعلان أن صلاة الجمعه لا تقام وبينصح الناس يقولهم تراحموا حتى يرحمنا الله
—–
والست إسعاد بقى اللى مشوهة سمعة كل بنات الحتة وشغالة نميمة عليهن ودى مش محجبة ودى على حل شعرها ودى مدلعة ودى بتحب..الست إسعاد مخنوقة قوى انها مش هتعرف تصلى التراويح ورا الشيخ عدنان أبو صوت جميل زى كل سنة والشيخ عدنان ده بقى شاب جميل وسيم صوته عذب متجوز تلاتة ومنقب مرتاته ومبيعتقش بنت ولا سيدة معدية غير لما يفرزها ويقال فى المنطقة أنه بيعرف لون هدوم الستات اللى تحت العباية وبيتمنى كتير من شباب المنطقة يبقى عندهم نفس الموهبة بس الشباب دول واخداهم الغيرة على الدين وان الجوامع مقفولة وبيشتموا فى الدولة والنظام اللى بيحارب الدين وهما بيلفوا السيجارتين اللى هينسوهم انهم عاطلين عن الشغل علشان عايزين يشتغلوا موظفين على مكاتب بمرتب يليق بانهم شباب مصرى استايل ..

  احمد القبانجي | أحمد القبانجي | الأسرار التي أجبرت محمد على ختم النبوة

نماذج من مجتمعنا بكل طوائفه ..فقط غير الأسماء بأسماء من حولك وستجد أنه واقعا معاش فى كل لحظة !!


Ahmed Allaam Elkholy

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق