اياد شربجي
من كتابي الذي سيصدر قريباً "دليل الزبون ، في معرفة الذقون" :
1- ذقن مبزبزة: هاد كان اـ///ــلامي ملتزم كان يربي دقنو بالسابق ، وهلأ عميمر بمرحلة انتقالية وعميراجع بعض قناعاتو …. فيك تناقشو وتغمّق …
2- دقن هون في احتمالين:
أ- دقن فقط: هاد اـ///ــلامي عادي ملتزم ، وضع تصور فضائلي للدين مو موجود حتى بكتب التراث الاـ///ــلامي … طيب وسهل النقاش ، وحتى لو اختلفتو أكتر شي ممكن أن يعمل لك الهداية لترجع لجادة الصواب.
ب- دقن مع كرافة: هاد اخواني ، بالوجه حلس ملس ومع الديموقراطية وحرية الرأي والتعبير ، وبالخفا ناطر ليغلق ويوصل للسلطة ليسنّ السكين ويفرجيك حكم الخلافة العصري …. وهو يعمل أسوأ شي ممكن تتخيلو ليوصل لهدفو اللي بيعتبرو هدف نبيل ومطالب السماء …. هاد غالباً مافي فائدة من نقاشو ، لإنو اللي بيقلك ياها بلسانو الموجود بقلبو ، وعندو انتماء عقائدي راسخ للجماعة ما ممكن يشككو فيه أعتى مفكري وفلاسفة العصر.
3- دقن خفيفة وشوارب حليقة: هاد سلفي غرّ ، راس يابس وتنح ، ما ب ميش أو بيتشطف بدون فتوى. متخيل كل العالم عميتآمر عليه ، بدوره ، إينو عايف التنكة ومشحّر بحياتو ، بس بدو يفتح روما ويرجّع الأندلس ..عندو كم شغلة حافظهن وبيرددهن … شلون لازم يتصرفو معك ، لذا عليك أن تأخذ معك الرسالة معك في الحال.
4- شوارب حليقة مع ذقن كثيفة وشعثة وشعر بشع يخرج من مناخيرو وخدو:
هاد تحديداً بس تشوفو …. اهرب
**************
ملاحظة: هذه التوصيفات الخاصة بالذقون السنيّة فقط … ربما سنت لاحقاً في البحث في ذقون الطوائف والأديان الأخرى.
