كتّاب

أحمد عرفات | – حامي المجتمع والأسرة المصرية :…


– شاب بيغني إسمه "مؤمن الديب" من دمنهور. بيقدم محتوى سيء وهابط ومؤذي جداً وبيديله "شكل ديني" وعين نفسه حامي للأسرة والقيم المجتمعية .. وخطابه كله كان "تحريض على النساء". ودفاع عن كل "شيوخ الفتنة". وده خلى كثير من الشباب والبنات يقفوا ضده بشكل كبير. مش يرجع لعقله بقى لأ ده استمات أكثر عن الدفاع عن قضيته العبثية .

  • طلع النهاردة مؤمن. يصرخ ويقول إنه (مبقاش حابب شهرة ولا الناس تتصور معاه ثاني وإنه اعتزل الغنا) بشكل انفعالي عشان يعني الناس تتعاطف معاه. وده مش هيحصل بسبب :

  • اللي حصل معاه ردة فعل طبيعية. ولأن اللي حصل معاه مش حاجة قدام كل البنات اللي تم التحرش فيهم بسبب كل خطابات الكراهية اللي قدمها. وإن دايماً كان بيقول إن اللبس هو سبب التحرش في البنات .. فدي كانت النتيجة الطبيعية للي حصله ده … ولو هتقولوا لي إن 90 % من الناس كانت ضده ومش بتسمع له … هقولك بس في مئات من المراهقين "بنات وولاد". معاه وبيسمعوا له. خصوصاً كلامه ده على هوى ناس كثير في مصر .

  • مش متعاطف معاه. ولا حتى لو طلع يعتذر عن اللي عمله .. الحل الوحيد إنه يطهر أفكاره بشكل حقيقي. أفكاره اللي هي حقيقي مسمومة وحقيقي هو اللي عمل كده في نفسه. فأهدا كده يا مؤمن وروح شوف حاجة مفيدة تعملها … بدل ما أنت مسخر حياتك للدفاع عن "وهم القيم الأسرية" .. ولا مليون لأ للتعاطف مع صاحب أي خطاب كراهية . ❤️

– بالشفا يا مؤمن .


أحمد عرفات | كاتب علماني

اترك رد

زر الذهاب إلى الأعلى