حقوق المراءة

حقوق المراة العراقية | صار فترة استلم رسائل كثير على صفحاتنا باعداد كبيرة بنات

صار فترة استلم رسائل كثير على صفحاتنا باعداد كبيرة بنات يعانون من التعنيف باقسى حالته..
اريد انتحر اريد انتحر..
اتمنى الموت الف مرة..
اريد حل..
ماكو حل..

ولكم كافي يا متخلفين تربون على تربية الضرب، التعنيف يولد مجتمع معاق متخلف وغبي ومتأخرويعاني من العقد النفسية، ولكم كافي اتقوا الله ببناتكم
الله سبحان وتعالى نزل الاديان للحد من العبودية ولنصرة حقوق الانسان، نزل الاسلام ليحرر النساء من الوءد ومن تسليعها..
مو من قليل هذه الحروب والخراب من كثرة الظلم على احبابكم واقرب شي عليكم، فكري انتِ من تضربين ابنج او بنتج ان دتولدين انسان معاق غبي بكل ضرب تنطيهيا، بكل طريقة حقيرة تتعاملين ويا بيها.
يا امهات انتخن لبناتكم، كافي ظلم، كافي اهانات، كافي قلة قيمة للبنات.
احترموا بناتكم واولادكم وربوهم تربية عادلة ومساوية ولا تخافون عليهم، المرأة مخلوق عظيم عليكم فقط ان تحترموا كيانها ووجودها حالها حال اخوتها، حراااام عليكم التفرقة ورب العالمين ماافضل الرجال على المرأة..
تحابوا، تقاربوا، تكلموا وتناقشوا مع اولادكم
كثرة النقاش والجدل يعزز العلاقات الاسرية ويجعلها قوية وسعيدة..
احموا بناتكم يا اهالي العراق النشامى❤️

صحة وعافية للجميع وانشاءالله مايمر به العالم من تغيرات يخلق رحمة وعي جديد لشعبنا.
تحياتي
#تمارا_عامر
#حقوق_المرأة_العراقية


مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق