أجمل ما في الموضوع إن الأخ المُدلِس الكبير مُعاذ عليان ساب تعليقي وردي بالمنطق على إستخدامه نص مِن نصوص العهد القديم بخصوص الحروب والأمر بالقتل، ومسك في كلمة ماتعيطش وماردش على ولا حرف مِن باقي التعليق إللي هسيبه لحضراتكم في الكومنتات، وهو توهم أنه ممكن يضايقني أو يستفزني لما يقولي إلهك كان بيعيط هو كمان، لكن الحقيقة أنا فرحت جدًا إنه نسب العياط للاهوت لأنه بكدا بيّن لكُل أتباعه أنه زيرو معرفة بالإيمان والإعتقاد المسيحي في شخص المسيح له كُل المجد، هدف رائع ولكن في مرمانا، إيه كمية الجهل إللي بتنقط منه دي؟!!
طبعًا لما عارف إني هرد عليه تاني حذف تعليقي وعمل لي بلوك من عنده، أصل هو حرام كان قاعد مستني حد يرد عليه من الكنيسة ولما حد رد عليه سبحان الله عمله تكميم (بلوك)!
شيزوفرنيا يا جماعة ربنا يشفي بجد حالتهم صعبة جدًا..
تعالى بقا أعلمك يا حبيبي إللي أنت مش عارفه أو الله أعلم ممكن تكون عارفه وبتدلس برضه كل شيء جايز دلوقتي..
المسيحية بتؤمن إن للسيد المسيح له كل المجد والإكرام طبيعة واحدة من طبيعتين الناسوتية واللاهوتية بغير إنفصال ولكن دون إختلاط أو إمتزاج أو تغيير، فالمسيح إله كامل وإنسان كامل، بلاهوته يغفر الخطايا ويقبل السجود ويحول الماء لخمر ويمشي ع الميا ويقيم الموتى وإللي يلمسه يخف.. وبناسوته بيتعب ويجوع ويتألم وينام إلخ..
المسيح يعيط!! الله يعيط!!
كل هذه الأفعال تثبت بشرية المسيح الكاملة، فهو شبهنا في كل شيء ماعدا الخطية وحدها، نعم بكى يسوع ولكن بالجسد كأي إنسان مثلنا، الطبيعة اللاهوتية مُنزهة عن كل أعمال الجسد الطبيعية، فاللاهوت لا يتأثر لا يتألم لا يبكي لا يموت ولكن كان هذا اللاهوت متحدًا بالجسد إتحاد تام بغير إنفصال وفي نفس الوقت دون إختلاط الطبائع، وأمثلة وشروحات الآباء مبسطة جدًا وموجودة في كل مكان، لكن الهدف مش المعرفة الهدف إثارة الفتن والفوضى وقلة الأدب والتدني الأخلاقي في المجتمع ودا باين أوي..
صدقوني وبأمانة شديدة جدًا هو عارف نفسه أنه كذاب ومدلس وعارف الردود من قبل ما يترد عليه، لكن معذور أكل العيش مر وصعب ف الأيام السودا دي، لازم أسياده إللي بيمولوه يرضوا عنه وعن أداءه حتى لو بالكذب والإفتراء والتدليس والخداع.. المهم يكمل علشان المصروف ما يتقطعش عنه من إللي مشغلينه.. هذا وكفى.
إلهي مش بيعيط، قولي بقى يا أستاذ معاذ أنت بتعيط ليه؟!
#أبانوب_فوزي
يمكنك دعم الموقع من هنا
مؤسسة ندى لحماية الفتيات
التعليق إللي مسحه كامل.