منظمات حقوقية

لا لتعدد الزوجات في مصر | #تحية_كاريوكا اتجوزت 14 مرة. المرة الوحيدة فيهم اللي طولت وعمرت.. كانت جوازة

لا لتعدد الزوجات في مصر


#تحية_كاريوكا

اتجوزت 14 مرة.
المرة الوحيدة فيهم اللي طولت وعمرت.. كانت جوازة قعدت فيها 18 سنة.

الجوازة دي كانت رقم 13.. من مخرج مسرحي وممثل سنيد بتاع ادوار ثانوية هو فايز حلاوة..اللي واقف وياها في الصورة دي.

عاشت تحية ويا حلاوة في شقتها
وعنوانها 16 شارع النيل بالعجوزة.. اللي واقفين مع بعض في بلكونتها ال10 متر وبتطل ع النيل مباشرة.

والكل كان يعرف انها صاحبة الفضل عليه..وانها ساهمت بشكل كبير في معرفة الناس والوسط الفني به.

لدرجة انها كانت لما تتعزم في حفلات ومهرجانات وتجمعات فنية..كانت الدعوات للاثنين: الست تحية.. وجوز الست.

و لما كان الرئيس السادات يحب يعمل قعدات مع الفنانين في استراحة جزيرة الفرسان اللي في اسماعيلية.. كانت الرئاسة بتدعي الاتنين.. وفي مرة قال السادات لحلاوة بضحك:
" خد بالك من تحية يافايز.. والا هحبسك ".
لكن..فايز ماعملش بكلام السادات.
بعدها بسنوات مش كتير.. كان قابل مذيعة التليفزيون فريال صالح.. احبها وقرر يتجوزها.

عرفت تحية صاحبة الشخصية القوية باللي حصل وكانت علي معرفة بالملك فاروق وجمال عبد الناصر وانور السادات..وحتي حسني مبارك اللي في مرة كان بيكرمها فطلب منها تطلع تاخد درع التكريم منه علي المسرح.

راحت قايلة بصوت مسموع وصل لمبارك :"ولي هو ماينزلش.. اي علي رجلية نقش الحنة؟!"

سمعها من هنا..وراح نازل مطرح ماكانت قاعدة في اول صف.

وكانت المواجهة بين تحية وحلاوة.. وصلت للاعتراف باللي حصل..وكان رد الفعل انه طرد تحية بهدوم البيت ورماها ع السلم وهي بتبكي.

واخد شقتها واتجوز فيها من فريال صالح.. اللي اخدت دهبها وحتي هدومها واستخدمتهم.

وراحت تحية تقعد شوية عند بنت اختها رجاء الجداوي.

بعدين خدت اوضة علي السطوح في 49 شارع التحرير بالدقي.. قصد سينما التحرير علي طول.

وفضلت علي السطوح لحد مامتت.. بعد ماكانت تملك كل شئ.. فقدت كل شئ.

اترك رد

زر الذهاب إلى الأعلى