حامد عبدالصمد
فيه أصدقاء بيطلبوا مني اني أقفل التعليقات عشان مش قادرين يشوفوا الشتايم اللي بعض الشباب من أولتراس خالد بن الوليد بيكتبوها في التعليقات. يا جماعة أنا بانشتم وباتهدد من أكتر من سبع سنين. واللي انتم شايفينه دا عينة صغيرة جداً من اللي بيوصلي يوميا كرسائل. اللي عايز ينسحب من صفحتي يتفضل. بس دي تبقى هزيمة أمام الغوغاء اللي داي بيما بيراهنوا على عدم رغبة الناس المحترمين في الصراعات والشتائم.
مش عايز صفحتي تبقى زي "مدينتي" كل الناس اللي فيها يشبهوا بعض ، ومش عايز الحوارات تبقى مجرد غرفة صدى صوت لنفس الأصوات. بس طبعاً مش عايزها تبقى ساحة حرب بين ناس بتتحاور بأدب وناس ما عندهاش أدب. فيه حل تاني عشان الحوار يرجع محترم تاني: اعمل ريبورت لأي تعليق فيه شتايم وكدا صاحبه يتحظر بدل انت ما تسيبله مكانك! أنا باعمل كدا لما بشوف تعليق غير لائق وباعمل لصاحبه حظر ، لأن دا أحسن من حذف التعليق فورا لأنه بيطهر الصفحة على المدى البعيد. بس مش دايماً باقدر أشوف كل التعليقات! بس لو سمحتم ما تردوش ع الشتايم بشتايم. ما تغذوش غضب ناس مليانة غضب تشكلً. دول مهما كان شباب صغير ومغيب ومشاهد عارف انه بيدافع عن اللي طمسوا تاريخه واحتلوا بلده!
الأمر متروك ليكم ، وأنا متفهم جداً ان فيه ناس بتحب تبعد عن أي مشاكل. بس للأسف هي الثقافة اللي احنا بنتعامل معاها ، واللي بيسكت أو ينسحب بيدفع التمن بعدين. والمساحة اللي انت بتنسحب منها بتضيق الخناق على أصحاب الفكر الحر ، وهتضيق مساحة الحرية لأولادك في المستقبل!
