كتّاب

أنا حزين جدًا لما فنان مصري يكون بالعقلية والفكر والثقافة…


أنا حزين جدًا لما فنان مصري يكون بالعقلية والفكر والثقافة المُتخلفة دي، فكر مُتطرف عُنصري بشعارات هبلة ودوشة على الفاضي وأهو أي تريند يتركب وخلاص، بغض النظر عن نظرته الدونية للفن وإنه عبارة عن رقص وغنا وضحك لكن خلينا في كلامه الغير متزن دا، مش يقول القضية الفلسطينية
قضية كل إنسان؟! لأ هي قضية كل مسلم بس.
مش يقول نساعد كل إخواتنا في غزة؟! لأ المسلمين بس.

طب والمسيحي وغيره.. عادي ولا كأنه موجود أساسًا، دمه رخيص لا يتكافئ أو يتساوى بدم المسلم!!

شُكرًا يا سلّام، على فكرة سقطت في نظري فنيًا وإنسانيًا.

قضية فلسطين هي قضية إنسانية بحتة وقضية وطن مش دين، ولو الكل شافها كل الصياح دا علشان الدين فأنا عمري ما هتعاطف أو أكون داعم لهذه القضية نهائيًا، وإللي بيتعاطف مع حد علشان الدين لو نفس الوضع دا حصل لحد مش من دينه مش هيتعاطف معاه، ما هو خلاص خلى إنسانيته ومشاعره تجاه الدين وأتباعه وبس والباقي يولع..
عيب أوي يا جماعة المهزلة دي، إنتوا بتقللوا من قيمة القضية بالطريقة دي.. فلسطين قضية كل إنسان سوي، إنسان وبس،
والإنسانية لا تتجزأ يا محمد يا سلام، أقصد يا شيخ محمد.

وده جزء من كلامه المتطرف:
– إللي بيحصل في فلسطين ده قضية كل مسلم.
– في المقام الأول دي فضية كل مسلم.
– والمفروض الواجب على كل المسلمين إنهم يساعدوا إخوانهم في غزة.
– فدلوقتي لما ربنا يتوفانا ونُسأل كلنا إنت ساعدت أخوك المسلم في فلسطين عملتلوا إيه؟!

#أبانوب_فوزي


يمكنك دعم الموقع من هنا
مؤسسة ندى لحماية الفتيات

Abanoub Fawzy ابانوب فوزي

شاعر ـ كاتب قبطي

اترك رد

زر الذهاب إلى الأعلى