حقوق المراءة

مناصرة حقوق المراءة في الاردن | شو بتفرق عن السيسي وبشار؟ آه بحكي معك.. لمّا بنت بلدك توقف


شو بتفرق عن السيسي وبشار؟

آه بحكي معك.. لمّا بنت بلدك توقف في وجهك وفي وجه سلطتك عليها وانت تستمر بقمعك وسبّك واعتداءك وتشويهك.. شو بتفرق عن بشار والسيسي؟؟؟ لمّا تقتل باسم الشرف وتشيل عيون من مكانهم وتضرب وتعذب وتخوّف وتتحرش وتغتصب.. شو بتفرق عن بشار والسيسي؟؟

انت ديكتاتور يا صديقي.. ديكتاتور.

قبل ما تحكي إنه في ناس خايفة تحكي.. إعرف إنه في بنات خايفات منك. 

قبل ما تطالب بشار والسيسي بالرحيل.. إرحل انت

قبل ما تبكي على ضحايا بشار والسيسي.. ابكي على ضحاياك من النساء..

قبل ما تضحك عالحكام كيف كل ثورة بيطلعوا منها مؤامرة.. اضحك على حالك لما تقول بيستغلوا وجع المرأة عشان يعيشوا عهر الغرب. 

قبل ما تكتب خطابات في الديمقراطية وحق الشعوب باختيار مصيرهم.. أكتب خطابات في نفسك واعلم أن من حق المرأة اختيار مصيرها وطريقها بنفسها.

انت ديكتاتور يا صديقي… ديكتاتور.

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى