حقوق الطفل

شيريهان محمد | كلاكيت تاني مره

كلاكيت تاني مره

طب يا جماعه احب اقولكم أن أهم حاجه عندي هي نفسيه ابني ومش بيفرق معايا أن أحرج حد أو حتي يزعل مني طالما بيتصرف تصرف هيأثر علي نفسيته
احنا عايشين في مجتمع ممنهج أنه يدمر نفسيه أي طفل سواء بقصد او من غير..
هذكر كام موقف كده عشان يا رب الناس تاخد بالها

*لما تشوف الطفل وعايز تسلم عليه وتبوسه من فضلك تستأذنه الاول مش تاخده بالحضن وتبوسه غصب عنه عشان ده شخص ليه الحريه الكامله أنه يقبل يسلم و يبوس أو يرفض. و بلاش من بؤه ياريت و تفضلو تشدوه من ذراعه ” هات بوسه “هات بوسه و هو مش عاوز و يتقال عليه رخم !! لا انت اللي رخم ماهو مش بالعافيه !! وبعدين لما انا أقعد اقوله مينفعش حد يلمسك أو يقرب منك وتيجي حضرتك قدامي تعمل كده وانا اسكت يبقي انا بهدم عنده القيمه ديه ولو لقدر الله اتعرض لأي موقف في المستقبل ممكن ميقدرش يميز السلام من التحرش باي شكل من الأشكال
* لما يكون قاعد سالم بيلعب ياريت بلاش قبل ما نديله اي حاجه حلوه تسأله امه الاول، عشان جايز تكون لسا مديااه او ناويه تقلل و تمشي علي نظام او روتين معين فا ياريت نسأل بس مش نجيب كل انواع الحلويات و نغريه عشان ده سم !!
*لما يكون ابني بيعيط متحاولش باي طريقه تلهيه وتسكته ويبقي كل همك أنه يسكت وخلاص لان انا بالنسبه ليا الاهم اني اعرف بيعيط ليه واحاول احل المشكله …مش هستفيد حاجه لما يسكت بحته شوكولاطه وفي طاقه مكبوته جواه ومع الوقت الطاقة ديه ممكن تخرج باشكال كثير سلبيه

  لماذ الحوثيون يجندون الاطفال ؟ recruited children

*لو سحمت بعد اذنك متحاولش تعلق سلبي علي اي حاجه في شكل الطفل حتي لو بهزار عشان كلمه واحده من حضرتك كفيله انها تفقده ثقته في نفسه اللي انا طالع عيني عشان اعززها طول الوقت وبركز في كل كلمه وكل حرف وتيجي تهد ده بمنتهي البساطه

*حضرتك تشوفني في تصرف مع ابني وتقول عني مدلعاه اوي او تقول اني قاسيه اوي.. الحقيقه راي حضرتك ميفرقش معايا اطلاقا بس اللي يفرق معايا انك تعبر بالراي ده قدام الطفل فياريت تخليك في حالك

*الطفل بطبعه مودي يعني ممكن في وقت يكون مبسوط جدا ووقت متضايق ومش عايز يلعب او يكلم حد بدون أي سبب …فمن فضلك لما يكون في مود سلبي متفضلش تقوله انت مالك رخم النهارده…انت عيل غلس وكلام من هذا القبيل طب تعالي طب خد طبً انتً وحش و bad مخصماك

  ندى الاهدل | يجب على المجتمعات البسيطة والتقليدية

*لما اقول قرار لابني متحاولش تقنعني بعكسه قدامه حتي لو كنت شايفني غلطانه …لانك ببساطه بتحكم من موقف وانا قراري بيكون مبني علي مواقف كثيره

*لما اكون بعود ابني علي نظام معين زي مثلا محدش يشرب من كوبايتك او متشربشً من كوبايه حد مش لازم ناخد الأمور علي صدرنا و نزعل و نقفش و عيب و ميصحش! لو لقدر الله جاله عدوي لو حتي بسيطه محدش هينفعني بحاجه، و بعدين مش اكون بعوده علي privacy و في حجات مينفعش نعملها شير عشان يوم ما يروح مدرسه لازم يبقا متسستم محدش يشرب من كوبايته او يشرب من حد ابدا !

*ياريت تاخد بالك من هزارك والفاظك طالما في طفل موجود عشان ده بيلقط كل حاجه بتتقال قدامه

*الناس بتوع نظريه ده عيل ومش فاهم حاجه احب اقولكم أن الطفل بيخزن معلومات من وهو في بطن مامته وده كلام العلم مش كلامي

  ندى الاهدل | مشاهدة ‏حملة لا تصغرش نفسك‏

* اخر حاجه و ده الأهم من اي نقطه، مشً مسموحلك تزعق ف ابني ايان كان عمل ايه.!! تيجي تقولي و انا اتصرف، لمايتزعقلو كده يتعود انه يبقا ملطشه و اي حد بعد كده ممكن يزعقلو ده غير ان مش من حق ايً بني ادم يعلي صوته علي ابني ورايا او قدامي!!!! مش تناحه ولا غلاسه انا بزعقله بس انا امه و في حاجه اسمها أنماط زعيق معينه كل طفل بيتقبلها من امه او ابوه فقط، فا لما سيادتك متعرفش حاجه عن الأنماط دي ولا عن الأطفال اساسا و تزعقو لإبني و احس انه اتهان و عيط لأسباب تافهه ممكن كانت تتحل بسهوله فا اكيد مش هسكت..
*مش معني اننا عايشين في مجتمع جاهل أن ده يكون مبرر اننا نقبل التصرفات ديه باي شكل من الأشكال ونقول احنا مش هنمشي الناس علي مزاجنا. لا ده ابني و انا اللي همشيه علي مزاجي و مزاجنا انا و ابوه فقط حضرتك و بنمشي علي الصح ولازم نعرف الناس الصح من غير حساسيات ونتبع كل الطرق عشان ربنا هيحاسبنا علي الأطفال دي

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق