حقوق المراءة

شيريهان محمد | صحتي اهم من المحن ده

صحتي اهم من الموحن ده????????????

معتقدش بعد ( ٦ )سنيين جواز ممكن اقول لاسرتى (( ضيعت عمرى عليكم واستحملت علشانكم و ضاحيت من اجل نجلكم))
لانى فعلا معملتش كده ولا ناويه اعمل????

اللى بقدر اعمله بعمله واللى مش بقدر , إه .. لا يكلف
الله نفسا الا وسعها ???????? ..

انا مش هرقليز علشان اشيل البيت فوق دماغى ..
اللى شالوه قبلى اتهد فوقيهم ..

انا فرد من العيله مش ست البيت ..

وبكامل قواى العقليه متنازله عن اى لقب مقابل صحتى وشبابي وعقلى و راحتي..
مش عاوزه اكون ست البيت انا مجرد فرد من العيلة زى زى ابنى ..
عاوزه شكولاته زيه .. طقم جديد زيه.. كله يجيله حاجه حلوة والا فلا ..

مش محور حياتى وطاقتى كلها للطبيخ وشغل البيت والشيل والحط ..
انا بحب الدلع.. اتدلع الاول
لبس مفتل او اتبهدل برمى علطول ان شاء الله ميكنش عندى الا طقم واحد لكن ملبسش وحش لمجرد ان ولادى عايزين جديد .. يا الكل يجيله يا بلاش ..

  النسويات | #تعرض_العاملات_البنغلاديشيات_للانتهاكات_في_السعودية عادت أكثر من 100 مهاجرة من ...

مش اجيب لولادى كل واحد ٣ .. ٤ أطقم وانا مفيش .. لا .. كلنا زى بعض .. كل واحد طقمين وبحقق العدل عليهم وعليه ..

الجواز مشاركه .. الكل لازم يشارك أعبائه .. زوجه وزوج وأبناء .. مش مجموعه تعيش كويس وفرد لازم دايما يضحى ..

زى ما بساعدكم تبنو مستقبلكم .. ساعدونى ابنى مستقبلى .. يانعيش عيشه فل .. يانموت أحنا الكل ???????? ..

ولا انتوا تتعلموا وتتمرنوا وتخرجوا و ليكم اصحاب واحلام وانا اخلل فى البيت و كل همى اطبخ ايه بكره واغسل السجاد أزاى ؟!

السجاد هرميه أصلا علشان مابحبش الفرهضه ???????? ..

طبقى الاشتراكية ..
سيدنا محمد (ص) كان بيخدم نفسه بنفسه برغم وجود خادمه انس وزوجاته ..
تعبانه بقول تعبانه .. ليه اجى على نفسى ..
عارفه حدودى ومش بتعداها ..

  دارين حليمة | #لو_كان_الموضوع_جنس_لذهبت_لبيت_الدعارة هل تردد على مسامعك ع

ابسط الأشياء من حقك ما تتنازليش عنها ..
انتى العمود .. و المدرسه .. والوعاء اللى خرجت منه العيلة .. انت الأصل وبدونك الكل يقع .. يبقى نحافظ علي صحتنا النفسيه والعضويه بدال ما عمرنا الافتراضى ينتهى وتاريخ صلاحيتنا يقرب ☺☺..

مريضه ؟ هاتو جاهز .. ناكل عيش وجبن .. لحد ما اخف لازم البيت طوارئ ..

نايمه ؟ محدش يصحينى .. أنا عارفه اللى ورايا كويس .. انا مش بصحى حد لو نايم ..
معتقدش هفتح دفتر الحساب بعد 20 سنه واحاسب حد على الغضروف اللى جالى من وقفه المطبخ ولا خشونة الركب اللى جاتلى من خدمتهم ولا ضهري المنحني في سبيل اسعادك لا لا لا

لا هما هيدفعوا الحساب ولا انا حد هيسمعنى اصلا علشان هيكون فيه زى كتيير ساعتها .. ضيعوا عمرهم شمعه تحترق من أجل الأخرين ..
فأنا قررت أسيب حوار الشمعه دا خالص وانضم للأخرين ????????

  دارين حليمة | #قصتي_مع_الحجاب سيليا ثناء جوابرة هاد الاسبوع ضج الفيسبوك

انا واثقة ومتأكدة ان اسرتى عاوزه منى .. الكلمه الطيبه والضحكه الحلوة والريحه الحلوه والعقل الراقى اللى بيفكر ازاى يطور من نفسه كل يوم ..

مش هيتبسطوا لما أفضل أندب وافتح لهم الدفاتر القديمه واحاسبهم على سنين عمرى اللى ضاعت .. انا بحب اخلص حساباتى اول باول .. طازه بطازه ????????

ايش ضمنى يمكن اموت قبل ما اقفل الحسابات ????????

#باختصار :
ماتداينيش حد لان محدش بيرد الدين ..
وياريت محدش يعلق ويقولى حسبي الله ونعم الوكيل
ولا يقولى من أكل ابنى بلحه حلاوتها جات فى بطنى ????علشان حلاوتها ام حسن ???????? ..

هاتولنا اجيال جديده لو سمحت !! اجيال متدلعه اجيال مرحه مش عايزيين نعيد تكرار اه يا بطني اه يا وسطي اه يا عصعوصتي و محدش يسمعك????????????‍♀️

وشكرا ????????..

كل التحية

من صفحة
الجميلة المصرية

شيريهان محمد
Sherehan Mohamed

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق