هشام نوستيك
أكبر صبار فتاريخ الكون هو الله! (الصبور أصلا إسم أو صفة ديالو)
باش تخلي الناس 6 قرون تايبهدلو الرسالة ديالك وتايشركو بيك، ونتا تاتشوف ولا تحرك ساكنا، خاص تكون سميتك الله.
والله تا سؤال بصح: علاش تسنى الله 6 قرون بعد عيسى، عاد جاب محمد؟
ياك الإيمان المسيحي دغيا عواج. علاش خلا المسيحية (العوجة) تنتاشر فالأرض؟ علاش خلا الكتاب المقدس (المحرف) ينتاشر؟
واش هذا كان هو البلان ديالو من الأول؟
كون تدخل بالزربة كون كان نص العالم، على الأقل، مؤمنين بالدين الصحيح.
كون دار خدمة نقية من البداية، كون ما كانش عندنا عالم بحال هذا أصلا.
بحال التعامل مع كورونا:
كل ما كان التدخل أسرع، كل ما قللنا من الضحايا.
كون تدخل الله بشكل أسرع، كون كانو ضحايا جهنم أقل.
تايبان ليا كاين جوج احتمالات:
يا إما الله هبيل، سادي، باغي هاد الروينة كاملة، باغي لملاير ديال الناس يتشوطو إلى ما لا نهاية بسبب سكريبت هو كاتبو، كان الفصل الأول فيه مسرحية آدم والشيطان، ثم فصل الدراما الكوميدية ديال الكابتن نوح والطوفان، ثم فصول الرعب ديال تعذيب الشعوب والبلدان، ثم فصول الألعاب السحرية وفلان عاود لفلان، ثم فصل الاختفاء التام بعد تطور علوم الإنسان.
أو أنه ما كاينش.
