– من فترة الصورة دي انتشرت عند شاب وكتب "حتى أمي وهي تعبانة ومش قادرة تقف على رجلها .. بتعمل لي ولوالدي الأكل". مع "تهليل العيال إياها والله الله وإيه الجمال ده. وهي دي الإمهات". كلام طبعاً قبيح لأبعد درجة .. لأنه نسي تقريباً إن بس البهائم هي اللي كل هدفه العلف. وبنفس الوقت مش بيقدروا يعلفوا نفسهم .
- طبعًا العالم كله بكل مكان متفق إن" الطبخ والتنظيف". من أساسيات الحياة اللي لازم الشخص يتعلمها. إلا الشاب الذكوري العربي بيعتبرها شيء ينقص من "رجولته وذكورته". يعني في إيه أحقر من إن أمه تكون مريضة وحتى ميقفش بدالها ! ولا أبوه. أهم حاجة عندهم العلف وبس.
-
يلا على المطبخ.
-
بشوفها من أكثر الجمل الغبية اللي بتتقال. يعني ياللي فاكر إن الجملة دي إهانة للإناث. إيه المخجل في ده. الإناث حالياً بيطعموا نفسهم مع كدحهم في العمل. المشكلة فيك. في إنك مستني اللي يأكلك. ومبتعرفش حتى إنك تسلق بيضة لنفسك بدون مساعدة يا آخرق .
– صورة مؤلمة. ومعتقدش إنسان سوي ممكن يشوفها مصورة طبيعية !
أحمد عرفات | كاتب علماني
