ⵜⴰⵔⵉⵜ: ⵎⴰⵢⴰ ⴰⵏⵡⴰⵕ
ⴰⵙⵓⵖⵍ: ⵕⴰⵛⴰ ⵜⴰⵣⵉⵔⵉ
ⵏⵏⴰ ⵖⴰ ⵏⵙⴰⵡⵡⴰⵍ ⵅⴼ ⵜⵎⴰⴳⵉⵜⵉⵏ ⵜⵉⵡⵜⵎⴰⵢⵉⵏ ⵓⵔ ⵏⵥⴹⴰⵔ ⴰⵏⵣⵔⵉ ⴱⵍⴰ ⵓⵔ ⵏⵙⴰⵡⵡⵉⵍ ⵅⴼ ⵓⴳⵉⵔ ⵏ
(Gender Dysphoria)
ⴰⵛⴽⵓ ⴰⴳⵉⵔ ⴰⴷ ⴰⵔ ⵉⵜⵎⵓⵏⵓ ⴽⵉⴳⴰⵏ ⴷ ⵜⵎⴰⴳⵉⵜⵉⵏ ⵜⵉⵡⵜⵎⴰⵢⵉⵏ, ⵏⵣⴷⴰⵔ ⴰⴽⵯ ⴰⵏⵉⵏⵉ ⵎⴰⵏ ⵏⵜⵜⴰ ⴰⵢⴳⴰⵏ ⵜⴰⵎⵏⵜⵉⵍⵜ ⵏ ⵟⴰⵖⵍⵉⵜ ⵜⵉⵣⴼⵉⵜ, ⵎⴰⵢⴳⴰ ⵉⴳⵉⵔ ⴰⴷ, ⴷ ⵎⴰ ⵜⵉⵙⵎⵓⵏⴻⵏ ⴷ ⵜⵎⴰⴳⵉⵜⵉⵏ ⵜⵉⵡⵜⵎⴰⵢⵉⵏ ⴷ ⵟⴰⵖⵍⵉⵜ ⵜⵉⵣⴼⵉⵜ ?
ⵖ ⵓⵎⵏⵏⵉ ⵉⵏⵓ ⵉⵣⵔⵉⵏ ⵜⴰⵣⵡⵓⵔⵜ ⵙ ⵜⵎⴰⴳⵉⵜ ⵜⴰⵡⵜⵎⵉⵢⵜ ⵙⴰⵡⵍⵖ ⵅⴼ ⵉⴳⵉⵔ ⵏ ⵜⵡⵜⵎⵉⵢⵜ ⵙⴱⴰⵢⵏⵖ ⵎⴰ ⵜⵉⵎⵣⴰⵔⴰⵢⵏ ⴷ ⵜⵓⵣⵣⵓⴼⵜ. ⵜⴰⵡⵜⵎⵉⵢⵜ ⵜⴳⴰ ⴰⵙⵢⴰⴼⴰ ⵏ ⵓⴼⴳⴰⵏ ⵙ ⵉⵅⴼ ⵏⵙⵙ ⴷ ⵎⴰⵏ ⵜⵓⵣⵣⵓⴼⵜ ⵉⴳⴰⵏ ⵜⵉⵏⵏⵙ ⵖ ⵓⵏⵛⴻⴽ ⵏ ⵜⵉⵎⵍⴰⵍ ⵍⵍⵉ ⵉⵜⵢⴰⵡⴼⴽⴰⵏ ⵉ ⵉⵏⴰⵡⴰⵏ ⵏ ⵙⵙⵉⵏ, ⴰⵔⴳⴰⵣ ⴷ ⵜⵎⵖⴰⵕⵜ ⵖ ⵓⵏⵛⴻⴽ ⵏ ⵓⵎⴳⵉ ⴰⴳⵔⴰⵎⴰⵏ ⵣⵡⴰⵔ ⴷ ⴰⵡⴷ ⵉⵎⴳⴰⵏ ⵉⵏⵓⵎⴰⵏ
ⴷ “ⴷⵉⵙⴼⵓⵔⵢⴰ” ⵜⴽⴽⴰⴷ ⵉⴳⵉⵔ ⴰⵢⵓⵏⴰⵏⵉ “ⴷⵉⵙⴼⵓⵔⵓⵙ” ⵍⵍⵉ ⵉⴳⴰⵏ ⵜⴰⵏⵎⴰⵔⵜ ⵏⵖⴷ ⴰⵅⵓⵏⴼⵓ. ⵏⵥⴹⴰⵔ ⴰⵏⵉⵏⵉ ⵎⴰⵏ “ⵊⴰⵏⴷⴰⵔ ⴷⵉⵙⴼⵓⵔⵉⵢⴰ” ⵜⴳⴰ ⴰⵅⵓⵏⴼⵓ ⵣⵖ ⵜⴰⵡⵜⵎⵉⵢⵜ ⵍⵍⵉ ⵢⴰⵖ ⵉⵜⵢⴰⵡⴼⴽⴰⵏ ⵖ ⵜⵍⴰⵍⵉⵜ
?ⵎⴰⵢⴳⴰⵏ ⴰⵅⵓⵏⴼⵓ ⵣⵖ ⵜⴰⵡⵜⵎⵉⵢⵜ
ⴰⵔ ⵉⵜⵜⵉⵍⵉ ⵓⵅⵓⵏⴼⵓ ⵣⵖ ⵜⵡⵜⵎⵉⵢⵜ ⵏⵏⴰⵖ ⵎⵣⴰⵔⴰⵢⵏ ⵜⵓⵣⵣⵓⴼⵜ ⵜⴰⴱⵢⵓⵍⵓⵊⵉⵜ ⵍⵍⵉ ⵉⵜⵢⴰⵡⴼⴽⴰⵏ ⵖ ⵜⵍⴰⵍⵉⵜ ⴷ ⵜⵡⵜⵎⵉⵢⵜ ⵍⵍⵉ ⵉⵙⵢⴰⴼⴰ ⵓⴼⴳⴰⵏ, ⵎⴰⵢⴰⵏ ⴰⵔ ⵢⴰⴽⴽⴰ ⵢ ⴰⵏ ⵓⵎⵏⵣⴰⵖ ⵖ ⵓⴳⵏⵙ ⴷⴰⵔ ⵓⴼⴳⴰⵏ ⵍⵍⵉ ⴷⴰⵔ ⵉⵜⵜⵉⵍⵉ ⵢⴰⵏ ⵓⴳⴰⵢ ⵏ ⵟⴰⵎⵎⵓⵏⵜ ⵏ ⵜⴼⴳⴳⴰ ⴷ ⵉⴼⵓⵍⵏ ⴷ ⴰⵡⴷ ⵜⴰⵎⵍⵉⵍⵜ ⵜⴰⵏⴰⵎⵓⵏⵜ ⵍⵍⵉ ⵉⵜⵢⴰⵡⴼⴽⴰⵏ, ⴷ ⵉⵥⴹⴰⵕ ⵓⴳⴰⵢ ⴰⴷ ⴰⵢⵍⴽⵎ ⴰⴽⵙⴰⵏ ⵉⴳⴳⵓⴷⴻⵏ ⴷ ⵓⵙⵉⴳⴳⵍ ⵏ ⵓⵙⵙⵏⴼⵍ ⵏ ⴽⵓⵍⵍⵓ ⵎⴰⵢⴰⴷ ⵙ ⴰⵥⵢ ⵏ ⵜⵡⵜⵎⵉⵢⵜ ⵍⵍⵉ ⵖⴰⵢⵜⵥⵕⵕⴰ ⴰⴳⴰⵢⵢⵓ ⵏⵏⵙ. ⵎⴰⵢⴰⴷ ⴰⵔ ⵉⵜⵉⵎⵖⵓⵔ ⵖ ⵜⵉⵣⵉ ⵏ ⵜⴰⴳⴳⵡⴰⴹⵜ ⴽⵓⴷ ⵏⵏⴰ ⴰⵔ ⵜⵙⵙⵏⴼⴰⵍ ⵜⴼⴳⴳⴰ ⵙ ⵜ ⴰⵍⵖⴰ ⵍⵍⵉ ⵓⵔ ⵏⵔⵉ.
ⵎⵎⵉⴷⴷⴻⵏ ⵍⵍⵉ ⴷⴰⵔ ⵉⵍⵍⴰ ⵓⵅⵓⵏⴼⵓ ⵏ ⵜⵡⵜⵎⵉⵢⵜ ⴰⵔ ⵙⵢⴰⴼⴰⵏ ⵙ ⵢⴰⵏ ⵓⵣⵎⵉⴹ ⴷ ⵜⵓⴳⵜ ⵏ ⵜⵎⵓⴽⵔⵉⵙⵉⵏ ⵍⵍⵉ ⵉⵎⵓⵏⴻⵏ ⴷ ⵓⵎⵏⵣⴰⵖ ⴰⴷ ⵏⴳⵔ ⵎⴰⵢⵍⵍⴰⵏ ⵖ ⵓⴳⴰⵢⵢⵓ ⵏⵙⵙⵏ ⴷ ⵜⵓⵣⵣⵓⴼⵜ ⵜⴰⴱⵢⵓⵍⵓⵊⵉⵜ ⵍⵍⵉ ⴷⴰⵙⵏⴼⴽⴰⵏ ⵖ ⵜⵍⴰⵍⵉⵜ. ⴰⵎⵏⵣⴰⵖ ⴰⴷ ⵓⵔ ⵉⴳⵉ ⵢⴰⵏ ⴷⴰⵔ ⵎⵉⴷⴷⴻⵏ ⴽⵓⵍⵍⵓ, ⵍⵍⵉ ⵎⴰⴼⵍⵍⴰ ⵉⵜⴱⴰⵢⴰⵏ ⵖ ⵜⵎⵍⵙⵉⵜ ⴷ ⵜⵣⴷⴰⵢⵜ, ⵉⵍⵍⴰ ⵎⴰⵢⵜⵜⵉⵔⵉⵏ ⴰⵢⵍⵙⵙ ⵜⵉⵎⵍⵙⴰ ⵏ ⵜⵡⵜⵎⵉⵢⵜ ⵢⴰⴷⵏⵉⵏ, ⴷ ⵉⵍⵍⴰ ⵎⴰⵢⵙⵉⴳⴳⵉⵍⴻⵏ ⵙ ⵟⴰⵖⵍⵉⵜ ⵏ ⵜⵡⵜⵎⵉⵢⵜ, ⴷ ⵉⵍⵍⴰ ⵎⴰⵢⵀⵜⴰⵊⵊⴰⵏ ⴰⴷⵉⵙⴽⵔ ⵜⴰⴼⴻⵜⴰⴽⵜ ⴼⴰⴷ ⴰⵢⵙⵙⵏⴼⵍ ⵜⵓⵣⵣⵓⴼⵜ ⵏⵏⵙ ⴷ ⵓⵊⵊⵓⵊⵊⵉ ⴰⵀⵓⵕⵎⵓⵏⵉ ⴰⵔ ⵉⵜⴳⴳⴰ ⴰⵖⵍⵢⴰⵏ ⵏ ⵜⵓⵣⵣⵓⴼⵜ ⴰⵔ ⵉⵙⵙⵏⴼⴰⵍ ⵉⵙⵙⴰⵖ ⵏⵏⵙ ⴷ ⴰⵔ ⵉⵚⵎⴰⵙ ⵉⵎⵇⵇⵉⵎⵏ ⵏ ⵜⵡⵜⵎⵉⵢⵜ ⵍⵍⵉ ⵙⴰⵢⵙⵢⴰⴼⴰ.
ⴷⴰⵔ ⵜⴰⵣⵣⴰⵏⵉⵏ, ⴰⵔ ⵉⵜⴱⴰⵢⴰⵏ ⵓⵅⵓⵏⴼⵓ ⵣⵖ ⵜⵡⵜⵎⵉⵢⵜ ⴽⵓⴷ ⵏⵏⴰ ⵉⵔⴰ ⴰⵣⵣⴰⵏ ⴰⵢⴳ ⵣⵖ ⵜⵓⵣⵣⵓⴼⵜ ⵢⴰⴷⵏⵉⵏ, ⴰⵔ ⵉⵜⴳⴳⴰ ⵖ ⵓⴳⴰⵢⵢⵓ ⵏⵏⵙ ⵎⴰⵏ ⵉⴳⴰ ⵣⵖ ⵜⵓⵣⵣⵓⴼⵜ ⵢⴰⴷⵏⵉⵏ, ⵏⵖⴷ ⵔⴰ ⵉⵎⵖⵓⵔ ⵉⴳ ⵣⵖ ⵜⵓⵣⵣⵓⴼⵜ ⴰⵏ, ⴰⵔ ⵉⵜⵜⵉⵔⵉ ⴰⴷⴰⵙⵡⴰⵍⵏ ⵎⵉⴷⴷⴻⵏ ⵖⵔⵏⴰⵙ ⵣⵓⵏⴷ ⵖⵉⴽⵍⵍⵉ ⵉⵜⵡⵙⴽⴰⵔ ⴷ ⵎⵉⴷⴷⴻⵏ ⵏ ⵜⵓⵣⵣⵓⴼⵜ ⵍⵍⵉ ⵉⵙⵢⴰⴼⴰ ⵉⵙ ⵜⴳⴰ ⵜⵉⵏⵏⵙ, ⵓⵔ ⴰⵢⵜⵜⵉⵔⵉ ⴰⵢⵍⵍⵙ ⵜⵉⵎⵍⵙⴰ ⵏ ⵜⵓⵣⵣⵓⴼⵜ ⵍⵍⵉ ⴷⴰⵙ ⵉⵜⵢⴰⵡⴼⴽⴰⵏ ⵖ ⵜⵍⴰⵍⵉⵜ. ⴰⵔ ⵉⵜⵜⵉⵔⵉ ⴰⴷ ⴰⵙ ⵖⵔⵏ ⵎⵉⴷⴷⴻⵏ ⵙ ⵓⵙⵙⴰⵖ ⵍⵍⵉ ⵉⵙⵜⵉ. ⵎⵇⵇⴰⵔ ⵍⵍⴰⵏ ⵜⴰⵣⵣⴰⵏⵉⵏ ⵍⵍⵉ ⵉⵙⴱⴰⵢⴰⵏⴻⵏ ⴰⵅⵓⵏⴼⵓ ⵣⵖ ⵜⴰⵡⵜⵎⴰⵢⵜ ⵖ 4 ⵏ ⵓⵙⴳⴳⴰⵙ ⵏⵖⴷ ⴷⴷⴰⵡ, ⵍⵍⴰⵏ ⵜⵓⴳⵜ ⴳⵉⵜⵙⵏ ⵍⵍⵉ ⵉⵜⴼⵙⵜⴰⵏ ⴷ ⵓⵔ ⴰⴼⵍⵍⴰⵙ ⵙⴰⵡⵡⴰⵍⵏ ⴰⵔ ⴽⵉⵖ ⵎⵇⵇⵓⵔⵏ ⵍⴽⵎⵏ ⵜⴰⴳⴳⵡⴰⴹⵜ, ⴰⵛⴽⵓ ⵍⵍⴰⵏ ⴽⵔⴰⵏ ⵜⴰⵣⵣⴰⵏⵉⵏ ⵍⵍⵉ ⵓⵔ ⵉⵜⵜⵉⵙⵉⵏⴻⵏ ⵉⵙ ⵓⵔ ⴳⵉⵏ ⵣⵖ ⵜⵓⵣⵣⵓⴼⵜ ⵍⵍⵉ ⵢⴰⵙⵏ ⵉⵜⵢⴰⵡⴼⴽⴰⵏ ⵖ ⵜⵉⵍⴰⵍⵜ ⴰⵔ ⴽⵉⵖ ⵜⴱⴰⴷⴰⵍ ⵜⴰⴼⴳⴳⴰ ⵏⵙⵙⵏ ⵍⵍⵉ ⵉⵜⵎⵓⵏⵓⵏ ⴷ ⵜⴰⴳⴳⵡⴰⴹⵜ ⴷ ⵓⵔⴰⵜⵉⵃⵎⵉⵍⴻⵏ ⵜⴰⴼⴳⴳⴰ ⵏⵙⴻⵏ ⵍⵍⵉ ⵉⵥⴹⴰⵔⵏ ⴰⵢⵍⴽⵎ ⴰⵡ ⵔⵉⵔⵉⵏ ⴰⴷⴽⵙⵉⵏ ⵜⵉⵎⵍⵙⴰ ⵏⵙⵙⵏ ⵏⴰⵖ ⵔⴰⵏ ⴰⴷⵛⴼⵏ, ⴷ ⴽⵔⴰⵏ ⵜⵉⴽⴽⴰⵍ ⵥⴷⴰⵔⵏ ⴰⴷ ⵙⴽⵔⵏ ⵎⴰⵢⵀⵔⵛⵏ ⵉ ⵉⵅⴼⵡⴰⵏ ⵏⵙⵙⵏ.
ⴰⵅⵓⵏⴼⵓ ⵣⵖ ⵜⵡⵜⵎⵉⵢⵜ ⵉⵎⵣⴰⵔⴰⵢ ⴷ ⵜⵉⵣⴷⴰⵢⵉⵏ ⵍⵍⵉ ⵓⵔ ⵉⴹⴼⴰⵕⵏ ⵉⵙⴱⴷⴰⴷ ⵉⵏⵓⵎⴰⵏ ⵣⵓⵏⴷ ⵜⵉⵎⵍⵙⵉ ⵏ ⵜⵎⵍⵙⴰ ⵉⴳⴰⵏ ⵣⵓⵏⴷ ⵜⵉⵏ ⵜⵓⵣⵣⵓⴼⵜ ⵢⴰⴷⵏⵉⵏ ⵏⵖⴷ ⴰⵜⵙⴽⵔⵜ ⴽⵔⴰⵏ ⵜⵖⵡⵙⵉⵡⵉⵏ ⵍⵍⵉ ⵎⵓⵏⵜⵜⵉⵏⵉ ⴳⴰⵏⵜ ⵜⵉⵏ ⵢⴰⵜ ⵜⵓⵣⵣⵓⴼⵜ ⵏⵖⴷ ⵜⴰⵢⵢⴰ ⴱⵍⴰ ⵓⵔ ⵏⵙⴰⵢⴰⴼⴰ ⵉⵙⵙ ⵏⴳⴰ ⵣⵖ ⵜⵓⵣⵣⵓⴼⵜ ⵢⴰⴷⵏⵉⵏ ⵏⵖⴷ ⴷⴰⵔⵏⵖ ⴰⵅⵓⵏⴼⵓ ⵣⵖ ⵜⵓⵣⵣⵓⴼⵜ ⵍⵍⵉ ⵢⴰⵖ ⵉⵜⵢⴰⵡⴼⴽⴰⵏ ⵖ ⵜⵉⵍⴰⵍ. ⴰⵅⵓⵏⴼⵓ ⵣⵖ ⵜⴰⵡⵜⵎⵉⵢⵜ ⵓⵔ ⵉⴳⵉ ⴰⴱⴷⴰ ⵎⴰⵏ ⴰⴼⴳⴰⵏ ⴷⴰⵔⵙ ⴰ ⵙⵏⵇⵇⵔ ⴰⵢⵏⵜⵓⵣⵣⵓⴼⵜ
