قضايا المرأة

وأنت جاي وفي ايدك الرضعة عشان تغدي النونة نسيت أهم حد في الحدوتة وهي الأم .. نق…


وأنت جاي وفي ايدك الرضعة عشان تغدي النونة نسيت أهم حد في الحدوتة وهي الأم ..

نقاشات الفيسبوك بقالها يومين رجالة بتهزر على تصريح المحامية نهاد أبو القمصان حول الفتوى الدينية واللي مرجعيتها القرآن والسنة بإن الست مش مجبرة ترضع طفلها، وكالعادة الرجالة اعتبروه شأن شخصي وناقشوه من غير ما نسمع من الستات! ناقشوا أمر مستحيل يختبروا مشاعره أو معاناته كالعادة.

غدي النونة / متتدلعيش / سيباه جعان ليه / الرضاعة فطرة/ ازاي صدرك وجعك وغيرها من الأحكام المطلقة اللي مراعتش الفروق الفردية بين كل ست والتاني وقدرة تحملهم ورغبتهم في خوض تجربة زي دي..

الرضاعة الطبيعية بتعرض الستات لآلام مختلفة زي تحجر الثدي والتهاب الحلمات وتشققها ده غير آلام المفاصل بسبب وضعية الرضاعة وحمل الطفل، كمان ضعف التغذية في حالة معاناة الست من اكتئاب ما بعد الولادة ده غير أن هرمونات الرضاعة نفسها بتزود الشعور بالقلق والتوتر والحوف واللي بيأثر عليها وعلى طفلها.

ده غير إجبار الست على تعاطي أدوية أخف لأمراض كتير زي الاكتئاب عشان ميأثرش على الرضاعة.. كل دي جزء بسيط من معاناة ومشقة بتقوم بيها الأم يوميا لحد الفطام، ومن حقها حد يقولها انتي مش مجبرة تعيش الألم ده !!

الرضاعة الطبيعية مش مادة للميمز والإجبار عليها جريمة في حق الست، الأم تقدر تقدم ده بكل حب لطفلها لكن مش تحت تهديد وإجبار المجتمع ليها بدون النظر إلى معاناتها وكل اللي على لسانهم #غدي_النونة
وعلى العكس اللي بيحصل كان المفروض تصريح زي ده يخلينا نشكر الستات على كل اللي بتضحي بيه عشان أطفالها، وندور ازاي ممكن نخفف عنها ونعوضها.

هنحكي مع الستات عن معاناتهم في الرضاعة الطبيعية، من حقنا نحكي ونقول اللي عشناه ونقول لكل راجل مستسهل الموضوع #غدي_النونة بنفسك لو تقدر


يمكنك دعم الموقع من هنا
مؤسسة ندى لحماية الفتيات

‫17 تعليقات

  1. يرجي مراجعة منشورات منظمة الصحة العالمية فيما يخص ال breastfeeding حيث أنه له فوائد صحية عديده للمرأة المرضعة – قبل الطفل الرضيع – من أهمها تقليل احتمالية ال breast cancer

    https://www.who.int/news-room/fact-sheets/detail/breast-cancer

    تشمل الخيارات السلوكية والتدخلات ذات الصلة التي تقلل من خطر الإصابة بسرطان الثدي ما يلي: الرضاعة الطبيعية لفترات طويلة.

    Behavioural choices and related interventions that reduce the risk of breast cancer include:

    prolonged breastfeeding;

    regular physical activity;

    weight control;

    avoidance of harmful use of alcohol;

    avoidance of exposure to tobacco smoke;

    avoidance of prolonged use of hormones; and

    avoidance of excessive radiation exposure.

  2. فعلا الموضوع صعب بس الحمدلله بتعدي هو بس لو كل واحد يخليه ف حاله ويبطلو تنظير اللي هو رضعيها جعانة .. ي حرااام دي بتمص صوابعها .. بتعيط رضعيها .. انا بجد بتعصب م الكلام ده وساعات بعند وأقول والله م مرضعاها بقى 😁😁

  3. طيب كل ست او بنت حره في قرارتها طبعا لكن انا لو هتجوز انا عايز الي اتجوزها تكون امينه معايا تقولي انا مش هرضع علشان الالم و انا من حقي اني ادور علي ست او بنت سويه تعيش علي الفطره الي اجدادنا عاشوا عليها تخيل يا صاحب البوست لو والدتك كانت فيمنست و مرضعتكش مكنتش كنت موجود علشان تكتب البوست ده

  4. ٣- لو انتي عايزه مترضعيش او حتي متولديش ده حقك طبعا لكن تعرفي الشخص المقبل علي الزواج منك ليبحث عن انثي او زوجه تكون سويه علي فطرتها الي ربنا خلقها بيها

  5. اضيفي كمان الحرمان من النوم لأن الطفل بيرضع كل ساعتين على الاقل .. فالأمهات وخاصة في الشهور الأولى مابتتهناش على ساعتين نوم على بعض ودا بيزود اعراض القلق والارهاق والتعب العام وطبعا تريجر قوي للاكتئاب

  6. جدير بالذكر أن من اثارت هذه الضجة لم يكن الهدف من وراء ما اثارته سوى المال “أجرة الرضاعة”

  7. ٢- و بالنسبه للالم الي بتحس بيه الام و الالتهابات و انها مش بتقدر تاخد ادويه

    الراجل بيعيش في شغله اكثر ما بيعيش في بيته و في رجاله شغلها شاق اكثر من نصف المهن شغلهم في الشمس يعني عز الالم و الرجاله الي شغلها يعتمد علي القيادة او تشغيل المعدات برضه ممنوعين من اكثر الادويه كالاكتئاب و غيره
    يا ريت ميكونش فيه ازدواج في التفكير و في الاراء
    يتبع ،.

  8. طب هي مش عايزة ترضع ابنها اللبن اللي اكيد افيد ليه من اي لبن تاني خلفته ليه ؟!!! ( هنا مش بتكلم عن حالات إن فعلا مافيش لبن او في الم بشع و برضو اللبن مش بينزل كفاية)
    انا مقدرة إن الموضوع بيكون متعب
    لكن مش قد المسئوليه ماتخلفش، ماتجيش تقول انا بتفضل اني أرضع أو انا خايفة ع شكل صدري أو جسمي(خايفه على جسمها ماتخلفش من الاول) مش قادرة تكون أم بكل ما تحمله من آلام و خاصة حاجه زي الرضاعه اللي بيكون فيها مشاعر كتير بيحس بيها الطفل و اللبن الافيد ليه ما تخلفوش

    لو جيه اب و قال الشغل بيطلع عيني و بيوجعلي جسمي و انا مش قادر اشتغل كتير و اصرف ع عيالي كويس فهعيشهم في مستوى قليل عشان أنا ارتاح
    هنقوله ماشي اوكي و هيكون طبيعي الموضوع ؟

    اللي مش قادر يشيل المسئوليه كاملة كويس ما يخلفش و يظلم اطفال( ما طلبتش انها تيجي الدنيا) معاه

  9. كل ما في قضية تخص المرأة صحتها لبسها او طبخها او الرضاعة او التعليم او السفر الرجل هو الي بيناقش هاي المواضيع الصبية الي بتدافع عن حالها نسوية خارجة عن الملة والصبية الي بتوقف مع الرجال ذكورية مت’خلفة شئنا أم أبينا يتم النظر للمرأة على إنها شيء للاستخدام وكدمية حتى حدود جسمها مخترقة ما طلعنا من القيمة الاقتصادية لرحم المرأة هي أداة بيحددولها مصيرها في اشياء بالنسبة الهم نظرية متل الحمل والرضاعة، يعني مجتمع ذكوري بيحدد كيف لازم تتصرف المرأة مع لولاد الي بتجيبهم لانهم مهمين للمجتمع الذكوري اكتر منها، مش مسألة عقلية هاي مسألة منظومة فكرية مدعمة بالاستيعاب الشعبي للدين ومدعمة بعادات وتقاليد تبرر للذكر حتى لو كان قاتل، ان شاءالله اجيال تيجي تعيش فيه المرأة واقع أحسن من هيك

  10. حتى العلم بتطوعوه على مزاجكم برغم عشرات ومئات الأبحاث عن فوائد الرضاعة الطبيعية للجنين وللأم.

اترك رد

زر الذهاب إلى الأعلى