وممكن تتفهم وجودها بمجابهة متخلفة ، لكن دولة زي الأردن ، تدعي إنها دولة "مدنية" وحكومتها أعضاءها يلبسوا بدلات وربطات عنق .. مستحيل تفهم سبب سكوتهم على الموضوع.
7224 طفلة قاصر تم تزويجها العام الفائت -حسب تقرير معهد تضامن الصادر أمس- بما نسبته 10٪ من مجموع عقود الزواج اللي أبرمت في الأردن في نفس العام.
يعني لا حالات فردية ، ولا حالات تتم بالسر .. أكثر من 7 آلاف طفلة تم تزويجهم جهارا نهارا على مرآى ومسمع الدولة والحكومة وأجهزتها ومؤسساتها والمؤسسات المجتمع المدني.
أنا مش فاهم كيف معتبرين الموضوع بسيط وعابر ، تزويج الأطفال وبالأعداد الهائلة هاي ، جريمة حقيقية ، بحق الطفلات نفسهم وبحق المجتمع.
يعني طفلة تتزوج وتفتح بيت وتصير أم وتعيش مع واحد أكبر منها بغرفة مغلقة ، غير إنك هيك حرمتها من إنها تعيش حياتها وطفولتها وتلعب وتمرح وتكتسب خبرة ويصير عندها تجارب ..
انت هيك أذنبت بحق الأسرة اللي رح تكون هاي الطفلة مسؤولة عنها ، يعني حدا من الدولة يشرح كيف طفلة رح تربي أطفال!
كيف شكل المجتمع رح يكون بها الأعداد الهائلة من البيوت اللي أحد أركانها "طفلة قاصر"!
و"تضامن" سعيدين انه النسبة المئوية 1٪ عن العام اللي قبله ، مش فاهم وين الإنجاز بالموضوع؟
ومش فاهم كيف المحاكم أصلا تسمح انه طفلة تتزوج! يعني أهم شروط الزواج هي موافقة الطرفين .. طفلة كيف تقدر تحكم وتصدر قرار ضخم زي قرار إنها تلك!
ولا قال يشكروا دائرة الإفتاء على الجهات … احنا المفروض نطالبهم بالاعتذار ل 7224 طفلة حرموا من حياتهم الطبيعية.
