صورة الطفلة الفلسطينية (5 سنوات) اللي أبوها قتل أمها أمامها ..
طلعت تركض مش عارفه شو تعمل .. اللي شافته هاي الطفلة أبشع منظر ممكن يتصوره عقل من بداية الخلق ، لتقوم الساعة ..
أبوها يقتل أمها قدامها .. ما في أبشع من هيك فكرة وهيك مشهد ..
ما في شيء يقدر يخلي هالطفلة تنسى اللي شافته ..
عشان هاي الطفلة وأمها وغيرهم ، أي حرف ينكتب وأي جهد مبذول ليدافع عن هالفئة بهيك مجتمع مجرم .. هو جهاد وجهد مبارك ..
وانت لما تشوف الحركات النسوية خطر على المجتمع ، انت الخطر
ولما تشوف اتفاقية سيداو مؤامرة ، انت جاهل
لما تشوف الدفاع عن حقوق المرأة ، عمل سخيف ، انت سخيف
اللي طالب ويطالب بحرية المرأة ، مش هدفه الوصول للمرأة ، زي ما علموك .. هدفه هاي الصورة ما تصير ، ولا تنحرم طفله من امها ، ولا تشوفها تموت قدامها ..
حسبنا الله ونعم الوكيل ، والله يكون بعون الطفلة ويرحم أمها ، ويلعن اللي ساهم وشارك وسكت ، عن اللي صار وبصير ورح يصير.
