لما يسألوني الناس ليش عملت السليط الإخباري؟
عشان أوصل الأخبار للي ما بيحضر أخبار، وعشان أحاول أكون إعلام بديل أوصل صوت الناس إللي ما بتوصله الأخبار.
ونوعًا ما نجحت في مهمتي وبتمنى أنجح كمان؛ لما يجيني كثير أمهات يحكولي ولادنا ما كانوا عارفين شو عم بصير في الوطن العربي من وراك صاروا يعرفوا؛ ولما يجيني ناس يشكروني على إيصال قضية معينة؛ ولما حد يطلب مني أنشر قضية ما على منبرنا “السليط الإخباري”.
إذا ضحكت عزيزي المشاهد.. شكرًا بس مش هذا هدف البرنامج.. مجرد عوارض جانبية.
إذا ما ضحكت عزيزي المشاهد…
نيكولاس خوري | ناقد سياسي ساخر
