كتّاب

نيكولاس خوري | كثير من أصدقائي المقربين زعلوا مني وفكروني إني ضد الملحدين، أنا أبدًا مش ضد


كثير من أصدقائي المقربين زعلوا مني وفكروني إني ضد الملحدين، أنا أبدًا مش ضد الملحدين.. عشان أكون ضد الملحدين لازم يكون بيهمني إنك تكون مؤمن وأنا فعلا آخر همي.. لكن أنا عندي مشكلة مع بعض الملحدين رح أذكرهم الآن:

  1. الملحد الآينشتاين:

    بيكون دابة رسمي حمار وفلتان في سهول بلادي، فجأة بيلحد عشان قرأ منشور فجأة بيصير يحس حاله الزلمة العبقري المثقف الآينشتاين الفيلسوف الأقلية الذكية المنبوذة العايشة وسط القطيع المؤمن الجاهل..

    صديقي الإلحاد هو عدم الإيمان بوجود رب للكون، بس بكل بساطة.. لا يعني إنك صرت بتفهم.. في ملحدين اغبيا وملحدين اذكيا وفيه مؤمنين اغبيا ومؤمنين اذكيا عادي يعني.

    بدك تصير مثقف تثقف… عمرك شفت واحد عم بنخنق في مطعم والناس صارت تصرخ يا جماااعة في حد هون ملحد؟؟ لاااااا بدهم دكتور سواء ملحد أو مؤمن.

    إذا انت حمار حتضل حمار حتى لو ألحدت.

  2. الملحد الخول:

    بيكون مـ///ــلم عين الله عليه عايش طول عمره في دول مـ///ــلمة والحياة جميلة والدنيا ربيع والجو بديع.. فجأة بيلحد وبيصير عايش برعب: المنقبات بيخوفوني أنا من حقي أشوف هوية البني آدم إللي قبالي، كلمة الله أكبر بتخوفني.. الجوامع مزعجة كيف يعني هيك.. مش قادر بليز انكزوني.. ولااااااااا منت أمك محجبة وبتحكي الله أكبر إذا حبة الكوسا انخزقت معها وهي بتحفرها!! متى صرت أوروبي أبيض مستاء ومستعجب ومستغرب؟؟ أحا.

  3. الملحد الكذاب:

    لا ملحد ولا بطيخ وبده لجوء، ومشكلتي معه إنه ضرب مصداقية كثير ناس مضطهدين فعلًا وبحاجة لجوء. #والمصحف_مسيحي

  4. الملحد العلماني مش علماني عايش مش عايش:

    هو ضد الدول الدينية في إيران وتركيا والسعودية وضد الرئيس التونسي لأنه عنده توجهات إـ///ــلامية وضد أمه إذا حكتله يرحمكم الله بس يعطس عشان هو بيحب يعطس عطس علماني.. بس الاحتلال إللي بيمنح أراضي لديانة محددة على جثث الفلسطينيين هاي دولة علمانية مدنية كيوت.

  5. الملحد النسونجي:

    هذا الشخص ما كفاه معاناة المرأة في عالمنا العربي واستغلالها ورؤيتها على أنها وعاء لتفريغ الشهوات فقرر يزيد عليها وبيبلش: جسدك ثورة إشلحي.. على أساس يعني البنت هبلة و النسويات عبط ودغري رح ينرموا في أحضانه.. ومش بس هيك بيدعي إنه مع حرية المرأة في اختيار لبسها إلا المحجبات عشان غصبن عنها.. بتيجي المحجبة بتحكيله بعرف إنه في بنات مجبورين بس أنا محجبة عن قناعة.. لاااا غصبن عنك بس انتي ما بتعرفي أنا بعرف أكثر منك عشان الحدت وصرت عبقري افهم منك يا جاهلة وإسرائيل ديمقراطية ودينك بيحرض على الإرهاب وبيقمعك وبعرفش ليش لحد الآن ألمانيا ما اعطتني لجوء…. وين ألمانيا أنا خايف من هاي المحجبة يا مامي ????

إذا إنت مش من هدول فآخر همي تلحد تآمن تعبد وحش السباجيتي الطائر جد آخر همي

نيكولاس خوري | ناقد سياسي ساخر

اترك رد

زر الذهاب إلى الأعلى