كتّاب

نيكولاس خوري | في لبنان في مشكلة كهربا حقيقية من سنين ولحد هاي اللحظة ما حد من السياسيين فكّر


في لبنان في مشكلة كهربا حقيقية من سنين ولحد هاي اللحظة ما حد من السياسيين فكّر يحل الموضوع. لكن في واحد من الشوارع الكهربا فيه ملعلعة وما فيها مشاكل ودايمًا ضاوية، هذا الشارع هو الشارع إللي ساكن فيه رئيس مجلس النواب اللبناني نبيه بري؛ يعني الشارع اللي قبل طافي الشارع إللي بعد طافي بس شارع بيته ضاوي.

في مواطن لبناني اسمه بشير أبو زيد أبصر ليش ما عجبه الموضوع وحسه ظلم "غريب"، راح كتب منشور عالفيسبوك قال فيه "اطفوا قدّام بيت نبيه برّي وضوّوا بيوت الناس".. هذا الكلام حرّك ضمير مؤيدي الرئيس برّي فراحوا ضربوه للشب ???????? كيف يسترجي يكفر ويجيب سيرة الرئيس؟؟

في المقابل في الجهة الأخرى من الكرة الأرضية في قارة أوروبا تحديدا في بريطانيا، رئاسة الحكومة أصدرت قرار بمنح إقامات دائمة لعائلات الكوادر الطبية العاملة في المستشفيات في حال وفاتهم، في مواطن سوري كان متطوع بالمستشفيات بس مش كطبيب او كممرض بل كعامل نظافة ينظف المستشفيات فحس بالظلم وعمل فيديو وضح فيه هذا الظلم وقال إنه هالقرار لازم يشمل كل العاملين مش بس الكوادر الطبية.. رئاسة الحكومة البريطانية شافت الفيديو، ما ضربوه ما بعتوا بلطجية عليه لاااااا غيروا القرار وخلوه بيشمل الجميع.

كثير مؤلم إنه الإنسان يحس إنه عنده قيمة برا بلاده مش جوا بلاده.

نيكولاس خوري | ناقد سياسي ساخر

اترك رد

شاهد أيضاً
إغلاق
زر الذهاب إلى الأعلى