الانترنت عالم مليء بالمفيد وأيضا مليء بالقذارة والوساخة والأمور الخطيرة، ولما أحكي أمور خطيرة مش قصدي عبيط أو عبيطة على شبكات التواصل الاجتماعي، أنا عم بحكي عن سلاح ومخدرات وتجنيد للشباب والشابات في جماعات مريضة متطرفة ونشر أفكار قتل وتعذيب وأشياء لسا أوسخ وأخطر من هيك.. وصدقني مافي أي طريقة تنظف فيها الانترنت، خاصة إنه في انترنت ثاني غير إللي بتعرفه.
فإذا خايف على أخوك/أختك/ابنك/بنتك الصغار راقبهم، وعيهم، دير بالك عليهم، ربيهم، شفلك خبير كمبيوتر وأجهزة ينزلك برامج بتخلي اجهزتهم ما تفتح إلا أمور آمنة لعمرهم..
ما تخلف وترمي بالشارع وتعطيهم مجال يسرحوا في فضاء الانترنت وتقول الانترنت خرب ولادي.. انت إللي خربت ولادك.
نيكولاس خوري | ناقد سياسي ساخر
