نصر أبو زيد من تانى:
خلونا نوضح شوية خلفيات مجهولة فى قضية نصر أبو زيد.
قلنا إنه إتقدم للحصول على درجة الأستاذية فى الجامعة، بس كانت اللجنة اللى هتناقشه فيها الدكتور عبد الصبور شاهين، ودة راجل بيشتغل شيخ مع الشعراوى بالنهار وأدام الجماهير، بس بالليل الإتنين بيشتغلوا مستشارين بمرتبات فلكية فى شركات توظيف الأموال، وهنا المشكلة، د نصر كان بيهاجم شركات توظيف الأموال، وبيحذرنا من إنهم بينصبوا باسم الله وتحت غطاء من رجال الله، واحنا ماسمعناش كلامه الشريف، وأخيرا وقع تحت ايد الشيخ …………….
عبد الصبور كتب تقرير بيكفر فيه نصر، وخان الأمانة العلمية والخلقية والدينية وسرب التقرير للصحف، وتصحى مصر من النوم تلاقى واحد كافر وبإجماع علماء الأمة، ويصبح قتله واجبا…………..
ويجمع عبد الصبور الأزهر وهيئة كبار العلماء وشوية مهرجين من كهنة الإسلام ويفرقوا بين نصر ومراته وباسم الله، ويدمروا الراجل وينفوه من مصر………..
إن ربك بالمرصاد، ويدافع عنكم وأنتم صامتون، مافيش كام سنة وعبد الصبور يكتب كتاب إسمه ” أبى آدم”، وبيقول فيه إن آدم مش أول البشر، دة مخلوق من جنس كامل أباده الله اللى هما البشر، واصطفى آدم وحده ليصبح هو أبو الإنسان والإنسانية.
موضوع خايب وركيك يليق بطفل ف الحضانة، بس أثار ضجة غير عادية وصلت لتكفير الشيخ نفسه، ويقضى عبد الصبور باقى عمره يدفع عن نفسه تهمة الكفر، ويشرب من نفس الكاس اللى شربها نصر أبو زيد……..
يمكنك دعم الموقع من هنا
مؤسسة ندى لحماية الفتيات
بيمضى على كشوف البركة ويقبض من حرامى الاثار المحبوس حسن راتب
وعبد الصبور شاهين يا مولانا وقع في شر اعماله في كتاب ابي ادم وتم تكفيره ايضا من الشيخ زغلول النجار وجبه علماء الازهر
الدكتور نصر قال بالحرف أنه فرش الأرض وقعد قدام مكتب عميد الجامعه وقال مظلوم بالباب الغريب أن دكتور نصر مكنش الاول علي الدفعه لا ده كان الأول علي ميتين ام الجامعه طب ليه مش عايزين تعينو يقولك اصل ده زنديق والأغرب من ده كله اني لما ادخل اشوف فديو لاستاذه بيلقو محاضرات عن ابو زيد بلاقي عدد المشاهدات ١٣٨ انت متخيل أم شلاطه علي التيك توك مثلا فوق المليون متابع وعايز بعد كل ده تقولي وعي الشعب وثقافه الشعب احنا متعلقين في ديل الحمار يامولانا يلعن الجهل علي المدارس الحكوميه والتعليم
كل ده كا فى عصر ا ل م ؤ م ن؟؟؟🤔😔🤔
وتحت سمعه وبصره؟؟؟