كتّاب

من كتابى هتافات الثورة المصرية ونصوصها الكاملة…


من كتابى هتافات الثورة المصرية ونصوصها الكاملة
من هتافات ثورة يناير المجيدة
إللى يحب مصر .. مايخربش مصر
يا جمال قول لأبوك … المصريين بيكرهوك
كيلو اللحمة بميت جنيه …….. ومتر مدينتى بنص جنيه
الجدع جدع والجبان جبان ….. بينا ياجدع حنبات فى الميدان
يا أهالينا انضموا لينا ….. الحرية ليكوا ولينا
الهلال ويا الصليب ….. ضد سجون العادلى حبيب
لو ضربونا بالرصاص …… احنا بدانا الثورة خلاص
لو خطفونا من الشوارع …… صوت الثورة طالع طالع
لو خطفونا من البيوت ….. صوت الثورة مش حيموت
امن الدولة كلاب الدولة ….. يا خدوا شهادة ف نهب الدولة
امتى ياشعب تفوق وتثور …. بعد ما تونس شافت النور
حسني مبارك يا عميل ….. بعت الغاز وفاضل النيل
مصر حتفضل غاليه عليا ….. رغم الخونه والحراميه
ابعت هاتلى كام قناصة ….. لسة ف صدرى مكان لرصاصة
ارحل ارحل ارحل غور ….. خلِّي بلدنا تشوف النور
باعوا دمانا وباعوا كلاوينا ……وبنشحت احنا وأهالينا
مسلمين مع مسيحيين ….. نحمى بلدنا ليوم الدين
قولوا لمباحث امن الدولة…. عمر الظلم ما اقوم دولة
مش حانخاف مش حنطاطى ….. إحنا كرهنا الصوت الواطى
آه يا حكومة هز الوسط ….. أكلتينا العيش بالقسط
يا دى الذل ويادى العار ….. مصرى بيضرب أخوه بالنار
مش هانخاف من ابوك يا جمال …… صوتنا العالى يهد جبال
أصحوا ياخلق وهزوا الكون ….. مصر بلدنا مش هتهون
اوعى تقولى نروح بيتنا …… دم الشهدا فى رقبتنا
يا ابن الخال ويا ابن العم…….. الحرية تمنها الدم
قولوا للكلب العادلى وسيده …… بكرة الشعب حيقطع ايده
لا اخوان ولا حزبية …… ثورتنا ثورة شعبية
حسنى مبارك هو شارون …. نفس الشكل ونفس اللون
مش حانسيبك مش حانسيبك…. ولا حانسيب العادلى حبيبك
انا مستنى رصاصة ف قلبي ….. علشان مصر حبيبتى وبلدى
قولوا للحاكم جوة القصر…. انتوا عصابة بتنهب مصر

يمكنك دعم الموقع من هنا
مؤسسة ندى لحماية الفتيات

اترك رد

زر الذهاب إلى الأعلى