“من خاف سلم” دايما أي بنت بتتربى على المثل ده، علي العكس طبعا للولاد والرجالة، وانك بلاش تجربي عشان كده كده هتفشلي، فبلاش تخرجي ليحصلك حاجة، بلاش تحققي احلامك أهم حاجة تتجوزي، بلاش تسافري بلاش بلاش بلاش…
معظم التحكمات دي الأهل بيبرروها بأنهم بيجبونا وخايفين علينا، لكن في أوقات كتير بيمنعونا لأنهم عارفين أننا معتمدين عليهم اقتصاديا، ومش هنقدر نعتمد علي نفسنا؛ وعشان كده احنا قدمنا فرصة تانية في برنامج نجاة “Nagat” لتأهيل الأمهات المُعيلات المعنفات وتمكينهم اقتصادياً بشكل مجاني، فرصة يقرروا بنفسهم هما عايزين ايه، وأنها تكون سيدة قرارها.
الستات اللي شاركوا معانا في برنامجنا التأهيلي “نجاة” هتكون أدامهم فرصة تدريب مهني في مجالات مهمة في السوق دلوقتي زي كتابة المحتوى، والديجيتال ماركتنج، والاتش ار، والجرافيك ديزاين، والبروجرامينج، والفريلانسنج كوتشنج.
وكمان هنقدم لهم دعم نفسي، و قانوني متخصص وبرنامج تأهيل اجتماعي، كل ده واكتر بشكل مجاني تماما.
ولسه سوبروومن هيكون لديها مجموعة برامج تأهيلية مختلفة جاية، علشان تناسب كل الستات بمختلف ظروفهم .. علشان هدفنا هو دعم كل ست في مصر.
افتكري دايما ان قرارك سواء كان صح أو غلط هو اختيارك، و حريتك، وافتكري دايما أن لسه في فرصة تانية وان لسه في حياتك نجاة.
أعرفي كل أخبار نجاة لما تتابعينا على صفحتنا، وعلى هاشتاجز “نجاة/Nagat” تحت
#نجاة
#تمكين_اقتصادي_للمرأة
#سوبروومن
#لسه_في_حياتك_نجاة
#Nagat
#Superwomen
يمكنك دعم الموقع من هنا
مؤسسة ندى لحماية الفتيات
