لسة الفرصة متاحة عشان تكوني واحدة من الستات اللي هتحضر وتستفيد من برنامج #نجاة في أول مواسمه
ولأن الحياة مش بتنتهي من عثرة؛ ولأن النجاة موجودة وبتفتح لنا فرص كل يوم للمقاومة؛ فـ سوبروومن Superwomen بتقولك لسه في حياتك “نجاة”.
نجاة Nagat هو برنامج دعم وتأهيل وتمكين اقتصادي لكل سيدة فاقت ولقت عداد العمر بيقرب لل٤٠ وأصوات بتسخر منها لأنها قليلة الحيلة! سوبروومن Superwomen جاية تقولك كل الأصوات دي مش حقيقية والوقت عمره ما انتهى انك تحققي ذاتك.
لو أنتِ:
أم، مطلقة، معيلة، تعرضتي للعنف الأسري بكل أشكاله.
عمرك من 25 لـ 45 سنة.
من سكان القاهرة الكبرى والشرقية.
متملكيش خبرات مهنية تأهلك لسوق العمل.
مفيش مكان بيقبل يشغلك بسبب تقدم السن.
اذًا الفرصة دي ليكي أنتِ.
نجاة Nagat هتقدملك إيه؟
مختلف ف ايه عن كل اللي حاولتي تعمليه قبل كده؟
ليه تصدقيه؟
نجاة Nagat برنامج تأهيل وتدريب بتطلقه لأول مرة مبادرة سوبروومن Superwomen المعروفة بدعم السيدات وبتسعى لتوفير التوعية بكل صورها ليهم.
البرنامج أول مرة يُطلق على أرض الواقع وبيستهدف توفير فرص جديدة، وتأهيل مهني يناسب العصر، وتمكين اقتصادي لكل أم مطلقة وتعيل ومش قادرة تدخل سوق العمل لأن معندهاش مؤهلات مهنية ولا سنوات خبرة.
سوبروومن Superwomen وبرنامجها التدريبي نجاة Nagat بيوفرلك التالي:
محتوى تعليمي قوي من غير ما تدفعي فلوس في المجالات التالية: كتابة محتوى- ديجيتال ماركتنج – اتش آر- جرافيك ديزاين- برمجة
تدريب مع مدربين محترفين في المجالات السابق ذكرها.
إعادة تعريفك بنفسك وقدراتك.
توعية قانونية تساعدك في مجال العمل علشان متقعيش ضحية استغلال.
محتوى توعوي جديد من نوعه لأن مش كل المشاكل بتكون برانا، كتير منها جوه عقلنا ومحتاجين نشتغل عليها.
تعليم كيفية التعامل مع مواقع العمل الاحترافية ومتطلباتها وازاى تبني عليها ملف قوي خاص بيكي.
كل ده هيتم من خلال أماكن ومدربين متخصصين وعلى مستوى عالي ومجانا.
حملتنا مش هترميلك معلومة وتجري؛ لأ.. هدف نجاة Nagat انه يمكنك اقتصاديًا، ويُعيد دمجك في المجتمع وسوق العمل مرة تانية .. يعني يطمن انك اشتغلتي وقدرتي تأمني مستقبلك ومستقبل أولادك.
هتنطلق فاعليات برنامج نجاة Nagat التدريبي والتأهيلي من بداية شهر يونيو 2022، للأسف العدد محدود جدًا بما أننا بنتكلم في مميزات كتير بدون مقابل مادي للمشاركات معانا..
يالا خدي الخطوة دلوقتي وسجلي معانا في أسرع وقت مع أول برنامج تأهيلي من نوعه.
https://forms.gle/2HHNxykMHyj1ivLUA
نجاة Nagat …. لسه في حياتك “نجاة”.
يمكنك دعم الموقع من هنا
مؤسسة ندى لحماية الفتيات
