لا لتعدد الزوجات في مصر
اضرار التعدد علي الرجال
دايما بتتكلم عن اضرار التعدد المادية والنفسية علي المراة بس عايزيين نناقش اضرارها علي الرجل.
مصر فيها ٢٣ مليون شاب مقابل ٢١ مليون بنت فوق ٢٠ سنة. لو كل راجل اكتفي بزوجتين بس، ١٢ مليون شاب هيعنس!
وطالما التعدد شائع في المجتمع ووارد انك تتجوز علي مراتك في المستقبل، ايه للي يخليها تجوزك وتكافح معاك ١٠-١٥ سنة وفي الاخر تتجوز عليها طالما هي كدا كدا تقدر تنط علي راجل اربيعناتي جاهز ومستقر ماديا من الأول وخلاص؟
ولما يعجز وهي تبقي لسه قطة في ال٣٠ تطلقه وتروح تشوفلها راجل تاني جاهز برضه. وتعد تنط من راجل جاهز للتاني.
انسي بقي قصص الحب والوفاء والتضحية وانك تتجوز زميلتك وتستناك لحد ماتكون نفسك عشان هي هتروح للحاج اللي عنده شقة دوبليكس في التجمع. وفي الاخر يقولو البنات بقت مادية ليه؟
التعدد منظومة عبثية قائمة علي اللذة والمنفعة. المال مقابل الجسد. ولو المبدا ده رسخ في المجتمع والبنات تقبلته واتعلمت ازاي تستخدمه لصالحها وتستفيد منه، الشباب هيكونو اكبر الخسرانيين.
ففكر كويس وشوف انت بتدافع عن ايه.
